GMN TV Politika Solusaun ba situasaun politika Aban, PR hahu rona Partidu Politiku sira

Solusaun ba situasaun politika Aban, PR hahu rona Partidu Politiku sira

0 views

Prezidente Republika (PR), aban, Kinta (23/1), hahu konvida uluk líder partidu Politiku ho ida- idak ninia bankada parlamentar atu rona sira nia hanoin no proposta solusaun kona-ba situasaun politiku- konstitusionál nebe nasaun nee hasoru.

Komunikadu imprensa husu husi Media Gabinete Prezidensia Republika hatete, Prezidenti  Repúblika Francisco Guterres Lú Olo, ezije ba lideransa politiku sira hotu persiza tuur hamutuk atu buka dalan ba situasaun ida ne’e, ezije mos vontade politika, laran nakloke ba malu, liu husi líder polítiku sira, husi partidu ualu ne’ebé tuur iha Parlamentu Nasional.

“Konstituisaun mak ita nia lei inan no husi ne’e mak Estadu tomak regula-an. Haree ba Konstituisaun mak  Parlamentu ka Governu halo proposta-lei ka projetu-lei atu diskute no aprova iha Parlamentu Nasional. Hafoin aprova ona iha Parlamentu Nasional, proposta ka projetu-lei ne’e hanaran Dekretu no presiza haruka mai Prezidente Repúblika. Bainhira haree buat ruma la tuir  Konstituisaun, Prezidente Repúblika bele mós husu hanoin husi  Tribunal Rekursu molok veta no haruka fila fali ba Parlamentu Nasional atu tetu fila fali.  Bainhira buat hothotu iha Dekretu ne’e lao tuir Konstituisaun Repúblika, Prezidente Repúblika promulga no haruka publika iha Jornal Repúblika. Ho publikasaun ida ne’e, Dekretu ne’e nakfila ba Lei”, Tenik Prezidenti Repúblka iha komunikadu ne’ebé fo sai iha loron 21 fulan Janeiru tinan 2020, iha Palásiu Prezidensiál Nicolau Lobato, Díli,

Tuir Komunikadu ne’e mos afirma katak órgaun haat Estadu nian,  Parlamentu Nasional, Governu, Prezidente Repúblika no Tribunal Rekursu servisu hamutuk atu hametin ita-nia Estadu.

Lei importante ida ne’ebé estrutura, hametin no haburas Estadu Timor-Leste mak Orsamentu Jeral Estadu. Lei ne’e halo tinan-tinan atu Governu bele  foti osan husi Fundu Minarai hodi bele selu saláriu no servisus, sosa sasán no investe iha  edukasaun, saúde, agrikultura, infra-estrutura no área sira seluk atu haburas ita-nia rain no fó benefísiu ba Povu tomak.

Maibé Parlamentu Nasional la aprova lei importante ida ne’e. Tamba ne’e, laiha Orsamentu Jeral Estadu. Laiha osan atu hala’o dezenvolvimentu iha tinan 2020.  Maibé, sei uza Orsamentu Duodésimu, iha tinan 2020 nia laran, atu selu despezas korrentes, hanesan saláriu, pensaun, bolsa da mãe no seluk tan, enkuantu Orsamentu Jeral Estadu tuir mai la hetan aprovasaun husi Parlamentu Nasional.

Kominkadu ne’e súblina tan, Situasaun ida ne’e ezije atu tuur hamutuk no hanoin  ho ulun malirin.  prezisa tuur hamutuk atu  buka  dalan.  Situasaun ida ne’e ezije vontade polítika, laran nakloke ba malu, liuliu husi  líder polítiku sira husi  partidu ualo ne’ebé tuur iha Parlamentu Nasionál.

Tanba , Konstituisaun Repúblika, liuhusi númeru 1, artigu 74,   fó  kbiit ba Prezidente Repúblika atu kaer metin unidade Estadu nian no  funsionamentu normal instituisaun demokrátika Estadu nian,  hanesan Parlamentu Nasional no Governu.

Prezidente Repúblika sei  konvida uluk líder  partidu  polítiku ho ida-idak nia bankada parlamentar, atu rona ida-idak  ninia hanoin no proposta-solusaun kona-ba  situasaun polítiku-konstitusionál ita hasoru ohinloron.

Alen de rona partidu politiku sira nebe hetan asentu iha Parlamentu Nasional, Prezidente Repúblika sei rona mós titulares, eis-titulares, juristas, konfisoins relijiozas, akadémikus, emprezárius no  organizasaun sosiedade sivíl hanesan FONGTIL, ne’ebé halibur mós  Rede Feto,  Konsellu Nasional Juventude Timor-Leste no organizasaun sira seluk.

Ikus liu Prezidente Repúblika sei halibur mós ho nia órgaun konsulta ida, Konsellu Estadu. Órgaun ida ne’e  halibur eis-Prezidente Repúblika sira, Prezidente Parlamentu Nasional,  Primeiru-Ministru atual, membru lima  ne’ebé Prezidente Repúblika hili rasik no membru nain lima hili husi Parlamentu Nasional.

 Husi ronda diálogu ida ne’e,  Prezidente Repúblika sei  rona,  fó hanoin no husu líder polítiku sira fó hanoin ba malu ho laran nakloke no hetan dalan polítiku di’akliu ba situasaun ohinloron.

“ Prezidente Repúblika fiar ho laran tomak katak ita sei hetan solusaun ba situasaun foun ida ne’e. Prezidente Repúblika fiar katak ita sei hetan solusaun tanba ita hotu iha domin ba Povu no Estadu Timor-Leste. Hodi hahú diálogu quinta-feira, dia 23 janeiru 2020.” Hakotu Oly


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker