GMN TV Politika Traballadór Timor-oan iha Austrália hatama retornu mai TL millaun USD 17

Traballadór Timor-oan iha Austrália hatama retornu mai TL millaun USD 17

0 views

Sekretáriu Estadu Formasaun Profisional no Empregu (SEFOPE), iha kna’ar importante ne’ebé konsagra iha Lei orgániku SEFOPE nian iha artigu 15 alinea 1 ne’ebé fo’o dalan halo kontratu ho nasaun seluk hodi haruka Timor-oan ba servisu.

Tanba ne’e, Diresaun Nasionál Empregu Exterior (DNEE), rejista  Traballadór Timor-oan ne’ebé halo servisu iha Austrália hahú husi 2014 to’o 2019, lori fila ona osan ho montante millaun USD17,288.003.6 mai Timor-Leste (TL).

“Retornu ne’ebé traballadór Timor-oan iha Austrália, lori mai Timor-Leste hahú husi tinan 2014 to’o tinan 2019 hamutuk, millaun USD17,288.003.6 no iha tinan 2019 Timor-oan lori osan mai Timor-Leste hamutuk millaun USD 6,453,16800 dadus ne’e mak ami hetan husi retornu ne’ebé tama mai, Timor-Leste ne’e lá liu husi banku tanba sei uza sistema manual, bainhira traballadór sira remata ona kontratu iha Austrália, sira mai aprezenta-an iha DNEE hodi hato’o mós rendimentu ne’ebé sira hetan, atu nune’e bele hetan kompensasaun,”hateten, Diretór Diresaun Nasionál Empregu Exterior, Filomeno Soares, ba GMN iha nia kna’ar fatin Sentru Formasaun Lian Korea, Becora, Tersa (14/01/2020).

Nia esplika, prosesu rekrutamentu ba Timor-oan ne’ebé atu ba halo servisu iha Austrália, garante transparánsia tanba ne’e joven hotu partisipa iha teste, Governu investe ba programa ida ne’e atu Timor-oan bele hadia ekonomia família nian, no bele dezenvolve ekonomia iha rai-laran.

“Governu Austrália husu tan Timor-oan rihun 10 resin hodi ba servisu iha Austrália, tanba ne’e ita prepara hela Timor-oan sira ho diak atu nune’e bele resposta ba pedidu husi Austrália, se ita la prepara Timor-oan sira ho diak sira sei foti ema husi nasaun seluk, tanba ne’e joven sira presiza aproveita oportunidade diak ida ne’e hodi bele investe iha sira-nia án,”nia hateten.

Nia mos dehan, to’o oras ne’e adidu Timor-Leste iha Austrália seidauk identifika problema ida ne’ebé akontese entre Traballadór Timor-oan ho ajensia iha Austrália, diresaun ne’e servisu hamutuk nafatin ho adidu iha Austrália buka hela solusaun ba situasaun traballadór sira nian.

Tuir dadus ne’ebé DNEE rekolla, traballadór ne’ebé servisu iha Austrália iha tinan 2019, hamutuk 1.753 kompostu husi Feto 510 no Mane 1.143, programa rua mak traballadór sira sei servisu mak hanesan, seasonal worker programe nia durasaun servisu hahú husi fulan 6 to’o fulan 9, no programa pasífiku level skim ne’ebé foin loke iha tinan 2019 ho nia durasaun servisu  tinan 3 no ema nain 104 mak foin ba servisu no iha área Hotelaria, Agrikultura no Peskas.Cin


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker