GMN TV Politika MNEK-G7+ sei ajuda nasaun frazil

MNEK-G7+ sei ajuda nasaun frazil

157 views

Ministériu Negósiu Estranjeiru no Kooperasaun (MNEK) hamutuk ho Organizasaun Intergovernamental G7+, sei ajuda liuhusi bilaterál no multilaterál ba nasaun hirak ne’ebé frazil iha mundu.

Ministra Negósiu Estrajeiru no Kooperasaun, Adalgiza Magno, hateten, ba oin governu liu husi MNEK sei ajuda nasaun hirak ne’ebé sei frazil, li-liu nasaun hirak ne’ebé envolve iha organizasaun G7+.

Iha vizita Ministra Negósiu Estranjeiru, Organizasaun G7+ husu ministériu refere atu serbisu hamutuk, bainhira iha eventu espesiál ruma, hodi influensia ho nasaun hirak ne’ebé hola parte iha G7+ li-liu iha área diplomasia.

“Iha prioridades ne’ebé mak G7+ hakarak ajuda ne’e mak oinsa ajuda Estadu frazil sira para hodi bele moris di’ak liu tan, bele hasai sira nia an husi estadu frazil, bele halo lobi iha área multilaterál para oinsa influensia polítika país bo’ot sira bele tau matan ba país ki’ak sira no mós prioridade seluk li-liu ba paz no rekonsiliasaun no mós dezenvolvimentu no mós haree mudansa klimátika para kontribui asuntu polítiku iha mundu internasional”, dehan, Ministra Negósiu Estrajeiru no Koperasaun, Adalgiza Magno, ba JNDiário iha edifísiu G7+ Palásiu Governu, Tersa (11/01/2022).

Sekretáriu Jerál Organizasaun Intergovernamental G7+, Helder da Costa, esplika, Timor-Leste sai nasaun inspirador ba nasaun sanulu resin ne’ebé sai membru iha G7+, no TL mós hetan rekoñesimentu husi nasaun internasional.

“TL sai hanesan pioneiru sai hanesan inspirador no sai mós hanesan doador ba organizasaun intergovernamental G7+ ne’ebé harii kuaze tinan 10 ona, rekoñesimentu bo’ot husi onu husi mós CPLP no mós husi komunidade internasional sa’ida mak ita bele halo ajuda implementa TL nia polítika externa hodi hatudu no hamorin ita nia imajen iha nivel internasional no buat barak mak ami halo ona iha nível global no lori TL nia naran hodi inspira rai seluk-seluk”.

Sekretáriu Jerál ne’e konfirma, iha atividade balun organizasaun Intergovernamental G7+ la konsege finaliza, impaktu husi pandemia corona vírus ne’ebé nasaun no povu enfrenta durante ne’e, maibé organizasaun refere sei esforsu finaliza prioridade hirak ne’ebé importante. Ina


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker