GMN TV Politika PD iha Ona Kandidatu PR Rua, sei Deside Liuhosi Konvensaun Nasionál

PD iha Ona Kandidatu PR Rua, sei Deside Liuhosi Konvensaun Nasionál

133 views

Kuadru Konsellu Superior PD hala'o konferensia imprensa kona-ba kandidatu ne'ebe sei kompete iha Eleisaun Prezidensial 2022. Konferensia ne'e realiza iha sede partidu nian, Colmera-Dili (10/01). Foto: GMN

Partidu Demokrátiku (PD) anúnsia ona kona-ba kandidatu Prezidente Repúblika (PR) rua ne’ebé sei kompete internalmente, hafoin órgaun konsellu superior partidu nian deside iha loron 2 no loron 7 fulan janeiru ne’e. Nune’e sei deside liuhosi konvensaun nasionál, hafoin hili kandidatu ida mak sei kompete iha Eleisaun Prezidensiál (ElPrez) 2022.

Kandidatu rua ne’e mak hanesan, Prezidente PD, Mariano Assanami Sabino no Prezidente Konsellu Polítiku Nasionál PD, Adriano do Nascimento 'Loromau'.

Kandidatu rua ne’e estrutura PD nível nasionál no munisipál sei hili liuhosi konvensaun nasionál ne’ebé sei realiza iha loron 15, fulan janeiru ne’e, no hafoin hili tiha kandidatura, sei aprezenta kedas ba Tribunál Rekursu kona-ba kandidatu nasionál ne’ebé sei kompete iha ElPrez 2022-2027.

Maneira ne’ebé PD uza hodi deside kandidatu ba ElPrez 2022 ne’e, PD kumpri deit lema sira ne’ebé sempre hatete, “hametin ukun rasik an, hari’i nasaun husi baze”. No maneira ne’ebé iha, hanesan hametin liu-tán demokrasia iha nasaun foun ne’e.

“Órgaun Konsellu Superior iha reuniaun loron 2 no loron 7 janeiru, simu disponibilidade kandidatu na’in rua ne’ebé prontu atu kompete malu iha partidu liuhosi konvensaun nasionál ne’ebé mak sei realiza iha loron 15 janeiru hodi sai nu’udar kandidatu nasionál. Kandidatu rua ne’e mak deputadu Parlamentu Nasional, Bankada Demokrátiku Mariano Assanami Sabino, Prezidente Partidu Demokrátiku no deputadu Parlamentu Nasionál bankada Partidu Demokrátiku, Adriano do Nascimento,” deklara Sekretáriu Jerál PD, António da Conceição ‘Kalohan’, liuhosi Konferénsia ba Imprensa, Segunda (10/01), iha Díli.

Prezidente PD, Mariano Assanami Sabino afirma, sai kandidatura ne’e la’os oportunidade, sai kandidatura ne’ebé iha responsabilidade hodi serví ba povu tomak.

“Tanba ne’e la’os PD nia kandidatura, maibé PD oferese sai kandidatura povu nian para atu sai prezidente ba povu” hakotu Assanami.Eca


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker