GMN TV Politika AMP tenke servisu maka’as hetan vitoria iha EA

AMP tenke servisu maka’as hetan vitoria iha EA

0 views

Konselleiru másimu partidu KHUNTO, José dos Santos Naimori apela ba estrutura no militantes tomak bloku koligasaun Aliansa Mudansa ba Progresu (AMP) atu serivu maka’as hodi hetan vitoria iha Eleisaun Antesipada (EA).

“Ha’u husu ba militantes tomak, liuliu estrutura partidu KHUNTO nian, tenke servisu no servisu maka’as, tanba servisu maka bele fo nia rezultadu ne’ebé diak, iha eleisaun ne’ebé sei hala’o iha fulan Maiu nia laran, bainhira servisu diak maka AMP sei hetan vitoria,”apela konselleiru másimu partidu KHUNTO, José dos Santos Naimori, iha nia diskursu, bainhira partisipa serimonia hasa’e bandeira AMP nian iha sede partidu KHUNTO, Suku Kamea, postu adminitrativu Kristu-Rei, Sesta (09/02/2018).

Nia mós husu estrutura AMP, atu mantein disciplina no hatudu maturidade polítika ne’eb’e diak, hodi hakoak partidu hotu-hotu, maske iha diferensia polítika.

“Polítika ida-idak ninian, maibe defende nafatin ita nia prinsipiu, hakoak ita nia belun hotu, inklui Fretilin no PD, mezmu ita diferensia polítika, maibe mai hamutuk tenke fo apoiu tomak ba maun Xanana no Taur Matan Ruak, hodi dala ida tan ba povu nia moris,”dehan Naimori.

Alende ne’e, Sekretariu jeral partidu CNRT, Francisco Calbuadi Lay mós husu militantes tomak AMP, atu labele koalia mak barak, maibe serivu mak barak, hodi prepara diakliu ba eleisaun antisipada ne’ebé sei realiza iha tempu badak.

Iha biban hanesan, reprezentante partidu PLP, Deometro Carvalho mós reforsa tan, maske AMP hodi manan mak partisipa eleisaun, maibe presija servisu maka’as liutan, atu bele absoluta iha eleisaun antisipada.

Antes ne’e, AMP mós hasa’e ona bandeira AMP nian iha sede nasionál partidu CNRT, PLP no Khunto, hodi reforsa plataforma koligansaun ba tinan lima nian.GMN


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker