GMN TV Politika Aniceto Guterres : Alterasaun lei eleitoral la nesesariu

Aniceto Guterres : Alterasaun lei eleitoral la nesesariu

0 views

Prezidente Komisaun Permanente (PKP), Parlamentu Nasionál (PN),  Aniceto Guterres Lopes, konsidera projetu alterasaun lei eleitoral ne’ebé aprezenta husi deputadu CNRT, PLP no KHUNTO la nesesariu atu diskute, tanba ne’e, nia parte indefere tiha proposta refere.       

“Proposta lei 2 ne’e, ida ha’u indefere tiha horiseik, ida seluk mós ha’u la indefere, maibe antes PN disolvidu, lejislatura remata, no inisiativa hotu kaduka, satan tama foun mak hatama ne’e, ne’e lójika halonusa? se parlamentu ida dissolve tiha, aprezenta projetu lei ida atu diskute,”informa,  Prezidente Komisaun Permanente (PKP), Aniceto Guterres Lopes ba jornalista, iha PN, Kinta (22/02/2018).

Tuir Aniceto, alterasaun eleitoral ne’e, la’os urjenti, tanba ne’e bele adía ba lejislatura foun hodi diskute.

“Muda nia sistema sim. Maibe alterasaun ne’e foin halo iha 2017, seidauk to’o tinan ida. Konstituisaun hateten, komisaun permanente so bele halo plenaria ba asuntu ne’ebé nessesariu no importante tebes labele adía, tanba se adía nia prejuizu ne’e bo’ot, maibe alterasaun ba lei eleitoral ne’e, la’os urjente, nia karakter ne’e normal no sei bele adía ba lejislatura foun mai, tanba ita eleisaun dala rua la halo alterasaun mós laiha prejuizu ida, parese partisipasaun menus duni, maibe la’os urjenti atu halo alterasaun agora,”hateten Aniceto.

Antes ne’e, Governu jestaun ne’ebé lidera husi Marí Alkatiri, liu hosi Konsellu Ministru planea, atu altera lei eleitoral ho dekretu lei.

Maibe deputadu CNRT, Arão Noe, esplika, Governu laiha kompetensia atu altera lei, so orgaun lejislador mak iha kompetensia altera lei hotu.

Enkuantu, Iha loron 2 fulan Fevereiru liu ba, deputadu komisaun permanente husi CNRT, PLP no KHUNTO, aprezenta projeitu lei 2 ba meja PN, nu’udar inisiativa, atu altera lei eleitoral hodi fasilita votante hotu atu bele vota iha kualker fatin, maibe PKP, Aniceto indefere tiha.Say


Banner

Foto

Notisia Ikus

Arsénio Bano agradese ba PM

August 3, 2021
Hafoin kompleta mandatu tinan ida, Prezidente Au...

TNI tiru kanek Timor-oan ida, PN husu TL rezolve ho RI

August 3, 2021
Parlamentu Nasionál liuhosi komisaun A, ne’eb...

Governu tenke investiga, implementasaun subsídiu ba universidade

August 3, 2021
Parlamentu Nasionál (PN), liuhosi komisaun G ne...

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...
1 2 3 624

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker