GMN TV Politika Apoiu orasaun ba Xanana hodi manan tan pipeline mai TL

Apoiu orasaun ba Xanana hodi manan tan pipeline mai TL

0 views

foto:google

Deputadu CNRT, Arão Noe, husu ba públiku atu apoiu orasaun ba negosiador prinsipal Fronteira Marítima (FM), Kay Rala Xanana Gusmão, hodi bele manan tan iha negosiasaun atu bele dada pipeline husi greater sunrise mai Timor-Leste.

Deputadu Arão Noe, esplika, prosesu negosiasaun FM iha ona rezultadu, tamba ne’e loron 6 fulan marsu, tinan ne’e, Timor-Leste ho Australia sei asina iha Nova Iorque. Maibe agora tuir mensajen maun Xanana nian husu ba povu tomak atu reza no  maka’as atu bele susesu tan iha negosiasaun dada Pipeline mai Timor-Leste, ba interese povu no Estadu nian.

“Rezultadu delimitasaun FM nian iha ona susesu, no loron 6 fulan Marsu ne’e atu assina formal, ne’e katak formaliza negosiasaun sira ne’e hotu inklui akordu kompletu ona, ida ne’e lori susesu bo’ot, ikus liu agora dadaun mak atu dada kadoras mai Timor-Leste, tanba ne’e ami hato’o parabéns ba maun bo’ot ho nia ekipa susesu FM nia luta, maske ema balun dúvidas ho maun bo’ot, balun dehan ba halo peregrinasaun, maibe rezultadu husi susesu ne’e, povu ne’e mak sei sente,”Arão subliña.

 “Bazeia ba maun bo’ot nia mensajen ne’ebé passa mai veteranu sira katak husu ba povu hotu-hotu atu halo misa no reza ba nia negosiasaun ida ikus liu kona-ba dada pipeline mai Timor-Leste ne’e, hein katak ita hotu halo tuir, labele haré de’it ba maun bo’ot ne’e prezidente partidu CNRT, maibe haré nia luta ne’e, diak ba povu, tanba ne’e husu povu hotu atu haré de’it ba nia nu’udar figura sentral ba estadu ne’ebé luta ba interesse nasionál, mai ita reza no harohan maromak no rai lulik sira hotu para atu bele fo apoiu ba nia bele susesu iha negosiasaun ne’e,” dehan Deputadu CNRT, Arão Noe ba jornalista, iha Parlamentu Nasionál, Sesta(16/02/2018).

Iha oportunidade seluk, deputadu bankada FRETILIN, Francisco Branco, informa, Primeiru Ministru (PM), Marí Alkatiri, sei la asina akorde ne’e, maibe reprezentante adjuntu PM Agio Pereira mak asina.

“Informasaun husi Governu ne’e klaru ona, katak Primeiru Ministru (PM) sei la asina akordu ida ne’e, maibe adjuntu PM Agio Pereira mak sei assina dokumentus ne’e, maibe tuir planu PM mós sei marka prezensa bainhira asina, Agora Fronterira Marítima ita determina ona, agora kestaun seluk ida maka ita tenke negosiasaun fali ba kompo minarai greater sunrise nian,”haktuir Branco.

Tuir planu, akordu ba delimitasaun Fronteira Marítima ne’e, sei asina akordu entre GovernuTimor-Leste ho Governu Australia, iha loron 6 fulan Marsu mai. Semana oin, ekipa susesu sei kontinua halo negosiasaun kona-ba atu dada kadoras mai sentral eletrisidade Hera no Betano, Timor-Leste.Say


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker