GMN TV Politika CNE labele haliis ba ParPol

CNE labele haliis ba ParPol

1 views

Deputadu CNRT iha Parlamentu Nasionál(PN), Arão Noe, husu ba Prezidente Comissão Nacional de Eleições (CNE), Alcino Baris, atu hala’o servisu labele haliis fali ba Partidu Polítika (ParPol), maibe tenki imparsial nune’e Eleisaun Antesipada (EA) ne’e bele la’o ho susesu.

Deputadu ne’e fo sai asuntu ne’e, relasiona ho dekalrasaun Prezidente CNE Alcino Baris nian ne’ebé hateten, partidu polítiku (Parpol) sira labele uza símbolu ka naran rezistensia ba emblema partidu nian.

“Bandu ne’e tau naran, naran mak labele uza, hanesan Kay Rala Xanana Gusmão ho Taur Matan Ruak, tanba naran ne’e rezistensia, maibe  tau foto ne’e lei la bandu,”dehan deputadu CNRT, Arão Noe ba jornalista iha PN, Kinta (15/02/2018), hodi kestiona imparsialidade Prezidente CNE nian ne’ebé orijinalidade mai husi Partidu FRETILIN.

Tuir polítiku nain husi CNRT ne’e katak, bainhira Parpol sira iha problema ruma relasaun ho asuntu rezistensia nian, Tribunal mak iha kompetensia atu deside.

“Prezidente CNE tenke halo servisu ho imparsial, tanba tuir lei, mandatu ba CNE ne’e nia funsaun atu halo supervizaun ba aktu eleitorais, desizaun hotu-hotu ne’e Tribunal nian, ba asuntu hotu ne’ebé relasaun ho hanesan ne’e, se partidu ne’e ba rejista ona iha Tribunal Rekursu (TR), no TR kuandu simu ona no rejista ona, ne’e válidu, ne’e la’os CNE mak deside, ,”hateten  Arão.

Tuir lejislador ne’e, aktu Prezidente CNE nian ne’e hanesan abuju de poder, tanba hotu-hotu tenke hala’o ida-idak nia kna’ar ho imparsial ba tuir mandatu Konstitusional.

Antes ne’e, Prezidente CNE, Alcino Baris hateten, tuir lei nú.2/2016, konaba partidu polítiku ne’ebé hateten,  parpol  sira labele uza atributu rezistensia nian ba símbolu partidu nian, liu-liu hamosu iha bulletin votus nian.Say


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker