GMN TV Politika EUA follow up ajudu ne’ebé fó mai TL

EUA follow up ajudu ne’ebé fó mai TL

0 views

Estadus Unidus Amerika (EUA) follow up ajudu sira ne’ebé durante ne’e fó mai Timor Leste iha kontestu dezenvolvimentu.

Embaixadora EUA ba Timor Leste, Kathleen M. Fitzpatrick, hateten, objetivu husi follow up ne’e, atu Estadus Unidus Amérika bele hatene saida mak Governu Timor Leste presiza liu ba prosesu dezenvolvimentu Timor Leste nian.

Tanba ne’e,   Kathleen M. Fitzpatrick, halo ona enkontru ho membru Governu sira hodi diskuti kona ba ajudus saida mak Estadu Unidus bele fó tan mai Timor Leste.

“Nu’udar embaixadora foun Amérika nian iha Timor Leste, ohin ha’u mai hasoru Ministru Petroleum Rekursu no Minarais, ha’u la’o ba fatin hotu hasoru malu ho membru Governu, atu diskuti kona ba dezenvolvimentu Timor Leste, saida mak la’o no ajuda saida mak Amérika bele ajuda ba Timor Leste,” informa Kathleen M. Fitzpatrick ba jornalista sira iha Ministériu Petroleum Rekursu Minerais (MPRM) Fomentu Dili, Tersa (27/02), hafoin hasoru malu ho Ministru MPRM, Mariano Asanami Sabino.

Nia haktuir, iha enkontru ne’e, sira ko’alia kona ba asistensia ne’ebé mak durante ne’e Amérika fó mai Timor Leste.

“Amérika kontinua loke nafatin odamatan ba Timor Leste atu iha futuru bele kontinua ajuda saida mak povu Timor Leste presiza, li-liu dezenvolvimentu iha Timor Leste,” katak

Alende ne’e, Ministru Petroleum Rekurso no Minarais, Mariano Asanami Sabino hateten, iha enkontru ho Embaixadora Amérika ne’e, Estadu Amérika hakarak hatene klean kona ba dezenvolvimentu ne’ebé mak la’o, no prosesu demokratizasaun iha Timor Leste.

“Espesifiku ba Minarais nian, sira mós hakarak haree oinsa mak atu dezenvolve minarais ne’e ba oin. Ha’u ko’lia katak, iha aspeitu Minarais, ita agora dadaun ne’e ami prepara hela lei kodigu minarais ne’ebé mak presiza atu aprezenta iha Parlamentu Nasional foun mai, nomós prepara ona kompaña ida naran Murak Rai atu haree kona ba ida ne’e,” katak Asanami.

Nia haktuir, bainhira kuandu eleisaun antesipada liu ona, mak Governu foun sei haree oinsa mak atu dezenvolve Minarais ne’e ba futuru.

“Ha’u esplika katak, iha área minarais, ita iha rikusoin barak ne’ebé bo’ot liu Petroleum, maibé tanba ita ilha ida, entaun ita mós tenki ho kuidadu ho esplorasaun Minarais ne’e, tanba ninia impaktu social no impaktu ekonómiku ne’e importante, tanba ita nia prinsipiu mak ne’e, minarais ne’e, ita tenki utiliza ba povu nia diak hotu, no nia osan ne’e tenki utiliza ba iha sistema investimentu ida ne’ebé tenki sustentavel,” relata nia.

Iha sorumutu ne’e mós, Asanami Sabino esplika ba embaixadora Amérika kona ba prosesu demokrátizasaun iha Timor Leste, relasiona ho eleisaun atesipada ne’ebé mak sei hala’o iha loron sanulu resin rua fulan Maiu tinan ne’e.cos


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker