GMN TV Politika Kampaña la’os atu insulta malu

Kampaña la’os atu insulta malu

0 views

Prezidente Repúblika (PR), Francisco Guterres ‘Lú Olo’, apela ba lider Partidu Polítiku (ParPol) sira iha tempu kampaña Eleisaun Antesipada (EA), labele hanoin de’it maka insulta malu, maibé lori programa maka aprezenta ba povu.

“Kampaña la’ós tempu atu fahe povu, kampaña atu hametin unidade, iha povu nia leet, bazeia ba programa ne’ebé di’ak liu ba povu nia moris, ita labele fó fatin ba ema aproveita períodu kampaña hodi insulta malu, fahe malu bazeia ba saída de’it, hanesan autonomista ka nasionalista, relijiaun, rasa, frente klandestina, armada ka diplomátika, tanba ita uma-kain ida de’it, nasaun Timor-Leste,” PR Lú Olo liu husi ninia mensajen ba EA, iha Palasiu Prezidensial, Bairo Píte, Díli, Tersa (20-02-2018).

Nia esplika, só ema ne’ebé la hadomi povu Timor-Leste maka bele aproveita kampaña hodi fahe povu, kuda ódiu no halo vingansa ba malu, tanba Timor ninia kultura no demokrasia la hanorin insulta malu.

“Ita-nia Povu la gosta buat ida insulta malu, no la respeitu inan-aman, no na’i ulun sira. Tanba ne’e tempu to´o ona, atu ita fó liman ba malu,” dehan PR Lú Olo.

Tanba ne’e PR, Francisco Guterres ‘Lú Olo’ husu ba militante no simpatizante ParPol hotu atu prepara-an hodi aprezenta no esplika didi’ak sira-nia programa ba povu.

“Ita hotu tenki tane ás interese povu no nasaun ninian, ita hotu tenki serbisu hamutuk ba paz, dezenvolvimentu, estabilidade no progresu, hodi kaer metin nafatin domin, lia loos no justisa iha Timor-Leste.

Nia akresenta, povu hotu tenki hakaas-an, dala ida tan tenki mai hamutuk partisipa iha EA ho respeitu tomak ba kultura Timor, tanba sidadaun hotu-hotu tenki mai partisipa, defende direitu ba dezenvolvimentu no demokrasia, tuir nafatin bei-ala sira-nia mehi, atu labele sai atan ba ema ida.

PR Lú Olo hato’o ninia mensajen ba EA horiseik (20/2), tanba loron 20, fulan Fevereiru ne’e prazu hahú tama EA tuir dekretu númeru 07/2018.

Entretantu antes ne’e mós PR dekreta ona data EA tuir dekretu PR númeru 7/2018, marka loron 12 Maiu sai data eleisaun.ves


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker