GMN TV Politika La diskuti MS, AMP konsidera PPN la konsistente ho deklarasaun

La diskuti MS, AMP konsidera PPN la konsistente ho deklarasaun

0 views

Deputadu bankada Aliansa Maioria Parlamentar (AMP) lamenta, ho atitude Prezidente Parlamentu Nasionál (PPN), Aniceto Guterres, ne’ebé la konvoka plenária hodi diskute Mosaun Sensura (MS) tuir data ne’ebé determina ona.

Sentimentu lamentasaun ne’e,  fo sai liu husi komunikadu imprensa husi bankada tolu CNRT, PLP no KHUNTO, Kuarta (31/01/2018).

Relasiona ho data ne’ebé antes PPN delibera ona iha reuniaun líder bankada sira, iha loron 31 fulan Janeiru ne’e, atu realiza plenária estraordinariu ida hodi diskute Mosaun Sensura ho Governu dahituk. Nune’e mos Primeiru Ministru, Mari Alkatiri, dehan antes ona katak, sei diskuti MS iha loron 31 Janeiru, tinan ne’e. Maibe la diskuti iha PN.

Tuir bankada AMP, maske Prezidente Repúblika dissolve ona Parlamentu Nasionál(PN) maibe AMP kontinua interpreta konstituisaun RDTL artigu 100 alinea 2 ne’ebé hateten, Disolusaun Parlamentu Nasionál nian, la hamate mandatu deputadu nian to’o Parlamentu nian reuniaun dahuluk, liu tiha eleisaun subsekuente sira.

 Tanba ne’e, tuir deputadu AMP, disolusaun Parlamentu, lafo impaktu ba funsionamentu normal servisu PN nian,  to’o V lejislatura hahú.

Tuir bankada AMP mós katak, aktu hirak ne’e hatudu katak PPN mak la ezerse nia mandatu tuir regras rejimentais.

Tanba to’o agora, PPN rasik seidauk haruka karta ba bankada sira, hodi submete lista membru nian ba Komisaun Permanente, inklui hahú prosesu estabelesimentu Komisaun Permanente iha PN, nu’udar segundu orgaun soberanu.

Liu husi komunikadu ne’e mós, deputadu AMP sira husu ba públiku atu komprende katak, iha nasaun demokrátiku Parlamentu nunka taka, orgaun parlamentu sempre iha hodi assegura akompañamentu no kontrolu atividade Governu no administrasaun  públiku Estadu nian, tanba ne’e deputadu sira sei hala’o nia knaar no funsaun hanesan deputadu, liu husi komisaun permanente.

Tanba ne’e, deputadu AMP sira, liuhosi komunikadu ne’e, husu ba PPN atu konvoka no normaliza lalais funsionamentu PN nian, estabele ona komisaun permanente, hodi kontinua assegura ona Servisu PN nian.

Hatán ba ne’e, Xefi bakada FRETILIN, deputadu Francisco Branco, hateten, parlamentu hetan disolusaun ona ne’e, parlamentu interven de’it krize bo’ot sira hanesan 2006 no krize bo’ot sira seluk ne’ebé presiza hetan intervensaun husi parlamentu.

Maibe la’os buat normal, hanesan Mosaun sensura mak komisaun permanente atu atende.

Tanba ne’e, deputadu husi koligasaun ne’e husu polítiku sira, atu halo interpretasaun ho loloos hodi labele hamosu konkluzaun ba públiku.

Enkuantu, tuir Konstituisaun RDTL artigu 102, alínea 1 hateten, Komisaun permanente hala’o servisu nafatin, iha períodu ne’ebé Parlamentu Nasionál para hela, iha intervalu sesaun no mós iha kazu seluk previstu iha konstituisaun.

Iha alínea 3 hateten, funsaun komisaun permanente mak hanesan, akompaña servisu Governu nian no mós administrasaun nian, koordena servisu sira komisaun nasionál nian, promove konvokasaun parlamentu nasionál, prepara no organiza parlamentu nasionál nia sesaun sira, autoriza dezlokasaun Prezidente Repúblika ih arai laran, dirije parlamentu nasionálnia relasaun ho parlamentu instituisaun análoga sira ih arai seluk no autoriza deklarasaun estadu serku nian no estadu emerjensia nian.

To’o notisia ne’e fo sai, GMN seidauk konfirma ho Prezidente Parlamentu Nasionál Aniceto Guterres rasik.Say


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker