GMN TV Politika Lori rezultadu diak ba TL, Xanana sei halo kampaña ba AMP

Lori rezultadu diak ba TL, Xanana sei halo kampaña ba AMP

0 views

Prezidente Komisaun Diretiva Nasional Partidu CNRT, Dionísio Babo, hateten, Prezidenti CNRT, Kay Rala Xanana Gusmão, sei fila hikas mai Timor-Leste iha tempu badak, hafoin asina tiha akordu Fronteira Marítima ho Australia iha Nova Iorque. Rezultadu diak ne’ebé Xanana Gusmão sei lori mai Timor Leste (TL) ne’e, sei sai hanesan materia kampaña ba Aliansa Maioria Parlamentar (AMP) nian iha eleisaun antesipada ne’e.

Dionísio dehan, CNRT seidauk bele fó sai data fiksu bainhira mak Xanana to’o iha Timor Leste.

“Informasaun ne’ebé la’o iha públiku katak, Xanana fila fali mai sei apoia fali partidu seluk, ida ne’e bosok. Xanana sei lori rezultadu diak mai hodi halo kampaña ba AMP nian,” katak Dionísio Babo ba jornalista sira iha sede nasional CNRT Dili, Kuarta (07/02).

Nia haktuir, agora dadaun Xanana Gusmão se esforsu an iha estranjeiru hodi luta atu manan soberania povu nian.

Dionísio esklarese, Xanana Gusmão liberta ona nasaun Timor Leste, agora dadaun nia luta fali hodi liberta povu husi kiak no mukit.

Dionísio dehan, esforsu Xanana Gusmão nian ne’e, agora dadaun iha ona rezultadu diak, tanba ne’e lalika bosok povu katak, bainhira Xanana fila fali mai Timor Leste, sei halo hanesan ne’e, ida ne’e bosok.

Antes ne’e, Primeiru Ministru, Mari Alkatiri hateten, akordu Delimitasaun Fronteira Marítima (D-FM) bele asina entre Governu Timor Leste ho Australia, bainhira Xefi Negosiador prinsipal Delimitasaun Fronteira Marítima Xanana Gusmao lainvolve iha VII Governu Konstitusional maka nia labele asina akordu nee, maske nunee Primeiru Ministru Mari Alkatiri sei konvense Xanana maka asina.

Australia mós konkorda tiha ona atu asina tratadu foun fronteira Marítima ho Timor Leste iha tempu badak.

Timor Leste iha ona susesu bo’ot liu husi Xefi negosiador prinsipal fronteira Marítima, Kay Rala Xanana Gusmão, ho nia ekipa hodi halo negosiasaun ho Governu Australia to’o ohin loron, Timor Leste no Australia hatur duni tuir soberania rai rua ne’e nian. Tanba ne’e, iha tempu badak nasaun rua ne’e sei asina akordu ikus liu iha Nova Iorque, no Sekretáriu Jeral Nasoens Unidas (ONU), António Guterres mak sei sai testamuña.cos


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker