GMN TV Politika PN hala’o plenaria kuandu iha asuntu nesesariu

PN hala’o plenaria kuandu iha asuntu nesesariu

0 views

Prezidente Parlamentu Nasional (PN), Aniceto Guterres, deklara, só Komisaun Permanente Parlamentu Nasional (KPPN) maka bele hala’o plenaria ho asuntu ne’ebé nesesariu, hafoin Prezidente Repúblika (PR), Francisco Guterres ‘Lú Olo’ disolve PN.

“Konstituisaun dehan KPPN maka funsiona, plenaria PN ne’e halo kuandu iha asuntu ne’ebé nesesariu tebes atu diskuti, asuntu nesesariu ne’e iha konstituisaun dehan KPPN bele autoriza deklarasaun Estado de Citio ou Estado de Emergensia, tanba ita hatene situasaun rua ne’e situasaun ida ne’ebé extraordinariu tebes, sé marka plenaria atu diskuti asuntu ne’ebé la hanesan ho Estado de Citio, hanesan grave liu Estado de Citio ou Estado de Emergensia karik maka bele lori ba plenaria,” Prezidente PN ba jornalista sira hafoin remata enkontru ho PR, iha Palasiu Prezidensial, Bairo Píte, Díli, Kuarta (21-02-2018).

Nia esplika, sé asuntu ne’ebé la grave no ninia karakter no ninia urjensia la hanesan ho Estado de Citio ou Estado de Emergensia ne’e labele halo plenaria.

“KPPN la konvoka plenaria, maibé promove de’it, tanba ita nia konsituisaun RDTL hakerek loloos katak KPPN ninia kompetensia ida maka promover a convocação do PN é plenaria,” dehan Aniceto Guterres.

Nia akresenta, AMP hakarak hala’o nafatin dever hanesan antes disolve PN, ne’e tanba sira-nia interpretasaun ba konsituisaun no funsionamentu PN depois de disolusaun ne’e la hanesan, tanba tuir sira depois de disolusaun PN bele funsiona nafatin, tanba deputadu sira nia mandatu seidauk hotu.

“PN bele funsiona nafatin liu husi komisaun permanente, sei bele konvoka tan plenaria no funsiona normal hanesan seidauk iha disolusaun, sé ita hakarak koalia kona-bá interpretasaun ne’e buat ida simples maka ne’e, PN mantein nuudar orgaun no insituisaun, hanesan mós deputadu nuudar polítiku ho ninia mandatu sei mantein, maibé lejislatura ne’e remata no termina ona,” hatutan Prezidente PN ne’e.

Nia relata, labele uza fali KPPN atu reativa fali PN hanesan seidauk disolvidu.

“Tanba interpretasaun seidauk kona malu, AMP rasik husu pareser juridíku ida no ha’u rasik mós husu pareser juridíku ida ba asesor juridíku sira iha PN ninian, maibé to’o ohin loron 21 Febereiru seidauk entrega pareser eskritu ne’e hotu no ha’u seidauk simu, tanba ne’e maka ohin la konvoka reuniaun KPPN, tanba sei hein lai pareser eskritu ne’e, para halo interpretasaun ne’e loos tiha lai bam aka ita bele konvoka reuniaun ida para bele intende malu,” informa Aniceto Guterres.

Entretantu intensaun PR konvoka enkontru ho Prezidente PN, Aniceto Guterres tanba PR hakarak hatene situasaun depois de disolusaun PN iha dia 26 Janeiru no PR husu mós Prezidente PN atu hato’o relatoriu eskrita ne’ebé deskreve situasaun iha PN.ves


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker