GMN TV Politika PN laiha ona kompetensia sensura Governu

PN laiha ona kompetensia sensura Governu

0 views

Prezidenti Parlamentu Nasional (PPN), Aniceto Guterres, hateten, Parlamentu Nasional (PN) laiha ona kompetensia atu hato’o mosaun sensura ba Governu, tanba Prezidenti Repúblika disolve ona PN.

Aniceto hatutan, karta destetuisaun bankada opozisaun nian ba Prezidenti Parlamentu Nasional, agora dadaun laiha fatin atu diskuti ona, tanba Parlamentu Nasional (PN) disolve tiha ona.

“Parlamentu disolvidu ita atu trata saida, se obriga atu trata mós, ha’u dehan proposta ne’e in-ezistente tanba proposta illegal, mai husi bankada ne’ebé mak la eziste iha Parlamentu ne’e. iha ne’ebé mak bankada AMP ne’e eziste, sira uza lei artigu ida ne’ebé, no rejimentu ida ne’ebé sira forma bankada AMP ne’e,” katak Aniceto Guterres ba jornalista sira iha PN, Kuarta (07/02).

Tanba ne’e, PPN ne’e afirma, kuandu proposta ne’e mai husi bankada ne’ebé mak in-ezistente, entaun proposta mós in-ezistente.

“Sira labele uza tempu ida ne’e atu halo diskusaun fali ba mosaun sensura, tanba halo nusa mak Parlamentu ida disolvidu bele sensura fali Governu, ida ne’e la akontese,” katak Aniceto.

Nia esklarese, bainhira Prezidenti Repúblika dissolve Parlamentu Nasional, deputadu sira laiha ona kompetensia atu sensura Governu.

Alende ne’e, Xefi bankada CNRT, Arão Noe hateten, mosaun sensura ba Governu, bankada opozisaun sei ezije nafatin Prezidenti Parlamentu Nasinal atu diskuti.

“Tuir artigu 102 konstituisaun hateten, kompetensia komisaun permanente nian bele konvoka plenária extra ordenária atu foti desizaun rum aba interese nasional,” katak Arão.

Nia esplika, kona ba Estadu emerjensia de’it, komisaun permanente PN bele halo, tanba saida mak mosaun sensura ba Governu no hatun ka hasai PPN labele?.

“Proposta destetuisaun opozisaun nian ne’e la illegal, se Prezidenti PN admiti tiha ona proposta ne’e, halo nusa mak illegal fali, entaun Prezidenti PN mós lahatene lei, proposta destetuisaun no mosaun sensura ne’e hein atu ajenda de’it ona, tanba Prezidenti PN admiti tiha ona, ida ne’e signifika katak, priense kritéria,” relata Arão Noe.

Nune’e mós Xefi bankada PLP, Fidelis Magalhães hateten,  mosaun sensura no karta destituisaun ne’e, bankada  CNRT PLP no KHUNTO, sei haree didiak, tanba Bloku Koligasuan dada karta destetuisaun no mosaun sensura ne’e ho objetivu ida de’it, Prezidenti Repúblika disolve PN.

“Bankada AMP sei haree didiak rejimentu, ami haree poder saida mak Parlamentu sei iha, wainhira Parlamentu ne’e desolvidu, no poder saida mak Governu,” tenik Fidelis.

Prezidenti Repúblika anunsia tiha ona eleisaun antesipada, maibé seidauk marka data, no la temi kona ba Governu.

“Tanba ne’e ami tenki haree didiak lai ida ne’e atu lori ita ba ne’ebé, maske disolve tiha ona Parlamentu, maibé seidauk marka data ba eleiaun tuir mai,” renik Fidelis.

Nia esklarese, públiku hakarak solusaun polítika ne’ebé lalais, uza razaun povu, entaun situasaun polítika ne’e labele pendente no tabele hela de’it, sem solusaun ida.  Maibé Fidelis dehan, disolve Parlamentu Nasional ne’e, komptensia polítika Prezidenti Repúblika nian, tuir lei hateten ona.cos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker