GMN TV Politika TL-RI konkorda finaliza liña fronteira terrestre

TL-RI konkorda finaliza liña fronteira terrestre

0 views

Ministru Negosiu Estranjeiru no Kooperasaun (MNEK), Aurelio Guterres, informa, iha tinan ne’e (2018), Timor-Leste (TL) no Republik Indonesia (RI) sei servisu hamutuk hodi finaliza fronteira terrestre ne’ebé maka durante ne’e laiha liña ne’ebé klaru no sai preokupasaun entre nasaun rua (2).

“Fronteira terrestre ho Indonesia ne’e ita hela de’it ona 3% para kompleta, o que que foin dau-dauk enkontru ho Ministra Estranjeirus Indonesia, konkorda ona katak agora husi parte rua (2), liu husi ita nia MNEK sei prepara planu ida para finaliza fronteira terrestre iha tinan ida ne’e,” MNEK Aurelio ba jornalista sira iha Praia dos Coqueiros, Díli, Tersa (07-02-2018).

Nia esplika, nasaun Indonesia propoin iha tinan ne’e, Timor-Leste no Indonesia finaliza fronteira terrestre. Tanba ne’e wainhira finaliza ona, espera katak fronteira tasi ho Australia loos ona, Timor-Leste ho Indonesia sei diskuti fali fronteira tasi.

“Ho Indonesia ita tau kedas ona tempu, Indonesia rasik prontu ona, ne’ebé foin dau-dauk ha’u halo enkontru ho Diretor Jeral asuntu bilaterais ho Diretor Nasional ne’ebé toma konta asuntu fronteiras ninian, husi ita nia parte prepara ona planu para hatama ba Indonesia para konkorda, nune’e ita bele finaliza fronteira terrestre iha tinan ida ne’e karik,” dehan Aurelio Guterres.

Nia akresenta, durante ne’e Timor-Leste ho Indonesia servisu hamutuk nanis, em termus relasaun ho kestaun terrestre deskuti ona, tanba ne’e maka problema fronteira terrestre entre Timor no Indonesia prátikamente hela 3%, nune’e hela uitoan de’it ona aserta konkordansia para finaliza.

Entretantu MNEK relata katak, dau-daun ne’e Indonesia kontinua koopera halo esforsu para oinsa buka hetan fali restu mortais heroi Timor ninian, la’os restu mortais saudozu Prezidente Repúblika, Nicolao Lobato ninian de’it, maibé heroi sira ne’ebé maka durante ne’e sira nia restu mortais seidauk hetan. ves


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker