GMN TV Politika AMP propoin proposta altera OJE 2019, FRETILIN konsidera “polítika baratu”

AMP propoin proposta altera OJE 2019, FRETILIN konsidera “polítika baratu”

0 views

Bankada Frente Revolucionário do Timor-Leste Independente (FRETILIN) konsidera koligasaun Aliansa Maioria Parlamentar (AMP) iha Parlamentu Nasionál (PN) halo polítika baratu, tanba sira aprezenta proposta tolu (3) ba meja PN.

Proposta tolu (3) ne’ebé AMP aprezenta ba meja PN maka hanesan hasa’i osan sosa asaun husi kompaña petrolífera ConocoPhillips ho Shell ne’ebé prevê iha Orsamentu Jeral Estadu (OJE) 2019, halo mudansa ba orsamentu Ministériu Petróleu  no  alterasaun artigu V limitasaun finansiamentu OJE.

“Bainhira Lei atividade Petrolífera (LAP) promulga ona no tanba Prezidente Repúblika (PR), Francisco Guterres ‘Lu Olo’ vetu ona OJE 2019 fó dalan halo proposta hodi hasa’i osan sosa asaun rua refere. Ha’u la hatene polítika saida maka ida ne’e, hatudu polítika barratu, pior liu tan halo polítika ma fé, tanba ne’e maka FRETILIN dezde uluk kedas kontra razaun sira ne’e, ohin (31/01) ha’u sei sita inklui proposta ne’ebé atu hasa’i osan sosa Asaun husi kompañia ConocoPhillips no Shell USD milliaun 650 “, Xefi bankada FRETILIN, Aniceto Guterres liu husi ninia intervensaun polítika, iha plenária reapresiasaun no alterasaun OJE 2019, Kinta (31-01-2019).

Xefi bankada FRETILIN ne’e kondera polítika refere, tanba FRETILIN hakarak hatudu nafatin vontade bainhira atu sai husi impase polítika, liu husi eziji diálogu hodi bele rezolve.

Hatán ba kestaun ne’e,  deputada AMP, Maria Fernanda Lay hateten, antes ne’e PR veta LAK, tanba orsamentu sosa asaun husi kompañia rua prevê iha OJE 2019, tanba ne’e deputadu husi AMP propoin atu hasa’i fali husi, tanba ne’e la’os polítika baratu.

“Hau atu refere ba vetu husi Xefi Estadu ba LAP ne’e atu tau duni iha OJE no iha vetu OJE, iha pajina nén (6) kondera no macnisível usar vias tipo investimento OJE,  ne’e maka razaun ami halo proposta hodi hasa’i tuir hakerek iha vetu Xefi Estadu”, haktuir Fernanda Lay.

Nia akresenta, deputadu proponente sira halo proposta tuir de’it rekomendasaun husi Xefi Estadu, nune’e laiha polítika ma fé no baratu, tanba antes vetu hateten tenki tau iha OJE no depois veta OJE hateten hasa’i, ida maka intensaun husi deputadu proponente halo proposta.

Deputadu proponente ba proposta tolu (3) ne’e maka Xefi bankada CNRT, Duarte Nunes, Xefi bankada PD, Antonio da Conceiçao, Vise Xefi bankada PLP, Francisco de Vasconcelhos, Maria Fernanda Lay, Xefi bankada KHUNTO, Antonio Nobre no Xefi bankada UDT/FM, Gilman Exposto dos Santos. ety


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker