GMN TV Politika Armando Machado: Reestrutura SekJer PN viola regra

Armando Machado: Reestrutura SekJer PN viola regra

0 views

Eis Diretór Divizaun Apoiu Parlamentar (DDAP), Armando Machado, deklara, desizaun Prezidenti Parlamentu Nasional (PN), Arão Noe,  reestrutura nomeiasaun ba kargu Diretór no kargu xefia sira iha Sekretáriadu Jeral (SekJer) PN la tuir lei no viola regra.

Tuir eis DDAP katak, bazeia  ba Lei Organizasaun Funsionamentu Administrasaun Parlamentar (LOFAP), artigu 45 katak, mandatu ba kargu Diretór no Xefi divizaun iha SekJer PN, tenki kompleta tinan tolu (3), maibé realidade kontráriu ou la to’o prazu refere.

“Ha’u la konkorda prosesu nomeia kargu Diretór no Xefi Divizaun sira ne’ebé la tuir regras, ne’ebé estabelese iha ami-nia lei PN, ami-nia mandatu foin hahú iha loron 17, fulan Abril, tinan 2018, ami seidauk atinji tinan tolu (3), foin to’o fulan 10 de’it Prezidenti PN halo ona remodelasaun ka reestrutura. Maibé ita tenki respeita katak Timor-Leste nasaun direitu demokrátiku prevalese mak lei, la’os prevalese interese grupu no partidária”,Eis DDAP ne’e ba jornalista sira hafoin partisipa serimonia tomada de pose ba Diretór no kargu xefia sira iha diresaun SekJer PN, Sesta (15/02/2019).

Nia esplika, atu troka husi lejislatura ida ba lejislatura ida ne’e normal, maibé tenki tuir regras ne’’ebé maka estabelese iha mai nia lei LOFAD, ne’ebé maka regula kona-bá prosesu selesaun no nomeisaun ba kargu diresaun no xefia iha SekJer PN.

 “Tuir LOFAP kandidatu no lista kandidatu ba asumi kargu diresaun Xefia aprezenta husi Sekretariu Jeral (SekJer) PN, Adelino Afonso de Jesus, depois maka Prezidenti PN nomeia, maibé SekJer agora seidauk iha despaixu rekondusaun, nune’e enkuantu seidauk iha despaixu rekondusaun SekJer laiha kompetensia atu aprezenta lista, ne’e labele”, haktuir Armando Machado.

Nia akresenta, tanba artigu 44 LOFAP kargu Diretór no Xefi Divizaun ne’ebé nomeiadu tuir despaixu husi Xefi Órgaun lejislativu PN V lejislatura, proposta ne’e tenki liu husi SekJer PN.

“Ha’u la konkorda no manifesta ha’u nia lamentasaun ne’ebé  prosesu nomeia kargu Diretór no Xefi Divizaun la tuir regras ne’ebé estabelese iha ami-nia lei, atu bazeia ba despaixu fali ka regulamentu prevalese ba lei”, hateten eis DDAP ne’e.

Hatán ba preokupasaun ne’e, Prezidenti PN, Arão Noe, lakohi fó komentáriu, tanba  nomeasaun ne’e determina husi despaixu, ne’ebé hateten sira-nia mandatu hotu kada lejislatura, ne’e katak IV lejislatura hotu, sira-nia mandatu mós hotu.

“Tanba ne’e ami tenki hala’o asaun foun atu kumpri Lei Organizasaun Funsionamentu Administrasaun Parlamentar (LOFAP)”, relata Arão Noe.

Entretantu Prezidenti PN, Arão Noe, fó pose ba Diretór no kargu Xefia iha Diresaun SekJer PN bazeia ba lei númeru 12/2017, 24 de Maio (LOFAP).Ety


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker