GMN TV Politika CNRT konsidera PJR viola segredu justisa

CNRT konsidera PJR viola segredu justisa

1 views

Partidu Congresso Nacionál de Reconstrucão de Timor (CNRT) konsidera membru Governu na’in sia (9) ne’ebé indijitadu husi Primeiru Ministru (PM), Taur Matan Ruak to’o oras ne’e seidauk simu pose, tanba Prokuradór Jeral Repúblika (PJR) halo violasaun ba segredu justisa, tanba fó informasaun ne’ebé la devia fó ba Prezidenti Repúblika (PR), Francisco Guterres ‘Lú Olo’.

“Ita hotu kestiona, PR Lú Olo  la sala ba kestaun ida ne’e, tuir Ministériu Públiku (MP) ka Prokuradór Jeral Repúblika (PJR) iha deskonfia asaun kriminal ruma, ne’e segredu justisa, nune’e nein sé de’it PJR atu ba informa”, Carmelita Caetano Moniz liu husi ninia intervensaun polítika iha plenária, Tersa (12-02-2019).

Nia informa, PJR informa tiha ons ba PR Lú Olo ne’e maka sai razaun atu la fó pose ba kandidatu membru VIII Governu ne’ebé to’o agora sei pendente hela.

“Se maka responsabilidade ba violasaun segredu justisa, PJR rasik, ha’u bele hateten hanesan ne’e, tanba labele atu fó informasaun sira kona-bá segredu justisa ba sé de’it, tanba atu prevene investigasaun kriminal ema labele hala’i sai husi faktus no ema labele subar, nune’e sira tenki guarda segredu justisa no violasaun segredu justisa ne’e krimi duni”, haktuir deputada bankada CNRT, Carmelita Moniz, nu’udar mos membru konsellu majistratura ne’e.

Entretantu wainhira GMN tenta entrevista kestaun ida ne’e ho deputadu husi bankada FRETILIN iha uma fukun Parlamentu Nasionál (PN), maibé sira lakohi fó komentariu.

Membru Governu hirak ne’ebé maka seidauk simu pose maka Helder lopes, Sérgio Lobo, Tomás Cabral, Virgílio Smith, Antonio Verdial (Rezigna-án ona), Francisco Calbuady lay, Jacinto Rigoberto no Amandio Benevides. Ety


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker