GMN TV Politika FRETILIN husu Governu labele ansi prosesa osan sosa asaun ConocoPhillips ho Shell

FRETILIN husu Governu labele ansi prosesa osan sosa asaun ConocoPhillips ho Shell

0 views

Bankada Opozisaun FRETILIN husu ba Governo atu labele ansi prosesu osan sosa Asaun Conocophilips ho Shell, hodi hein dezisaun Tribunal Rekursu (TR) konaba konstitusionalidade Lei Atividade Petroliferu.

Deputadu Joaquim dos Santos hato’o lia hirak nee ba Jornalista sira, Kuarta (13/02), iha Parlamentu Nasional.

Joaquim do Santos hatete tan katak iha loron hirak liu ba Prezidente Parlamentu Nasional Arão Noe deklara ba publiku katak mesmu opozisaun hatama rekursu ba Tribunal, maibe Governu iha posibilidade bele foti dadauk osan nune mos Ministru Reforma Lejislativa Asuntus Parlmentar Fidelis Maghalães hatete lalika hein tan tribunal nia desisaun, governo bele prosesa ona no foti dadauk osan.

Deputado nee dehan Bankada Fretilin preokupa ba frazilidade Estadu ninian Fundo Soberanu, hanesan mos povu tomak preukupa ba distinu Estadu ida ne’e ninian bainhira osan laiha administrasaun publika la lao.

“Alterasaun ba LAP inklui provizaun ne’ebé kontra Konstituisaun no mós ameasa sustentabilidade ba ita-nia úniku fundu de soberania, Fundo Petrolíferu,” dehan Joaquim dos Santos.

Nia dehan iha loron 30 fulan  Janeiru 2019, Deputadu nain 23 husi Bankada FRETILIN no Bankada Partidu Demokratiku hatama rekerimentu ba Tribunal de Rekursu hodi husu fiskalizasaun abstrata konstitusionalidade nian ba Dekretu Parlamentu Nasional no. 3/V kona-ba Primeira Alterasaun ba Lei No. 13/2015 (2 setembru), Lei das Atividades Petrolíferas. FRETILIN defende transparénsia iha jestaun ba finansas publikas, atu asegura utilizasaun responsavel ba nasaun nia rekursus finanseirus. FRETILIN mos defende dezenvolvimentu sustentavel, atu garante benefísiu ba ema hotu-hotu, laos deit ba jerasaun ohin nian, maibe ba jerasaun sira iha futuru.

“Bainhira Tribunal Rekursu sei delibera kona-ba rekursu ida ne’e, mezmu ke lei vigora hela, bazeia ba etika politika lolo’os, hotu-hotu hein antes halo prosesu levantamentu ruma, atu garante katak Estadu la foti desizaun ne’ebé kontra Konstituisaun no lei sira, Se hanoin ho Sentidu Estadu, ita fó tempu atu bele iha desizaun finál husi Tribunal de Rekursu, la’ós koko atu foti osan lalais, tanba de’it ta’uk desizaun ne’e bele la favorese sira. Ida ne’e hatudu polítika má fé, katak laiha interese atu salvaguarda Timor-Leste nudár Estadu de direitu demokratiku,” dehan nia.

Joaquim realza tan katak Bankada FRETILIN husu parte hotu-hotu atu hein deliberasaun husi Tribunal de Rekursu, no husu atu labele iha interferensia externa ba juiz sira hodi sira bele hala’o sira nia kna’ar ho independensia tuir kompetensia ne’ebé  Konstituisaun fó. nes


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker