GMN TV Politika FRETILIN konsidera PN sai abrigu ba kriminozu ■Kalbuadi:Ha’u la subar husi justisa

FRETILIN konsidera PN sai abrigu ba kriminozu ■Kalbuadi:Ha’u la subar husi justisa

0 views

Bankada Frente Revolucionário Timor-Leste Independente (FRETILIN) konsidera Parlamentu Nasional (PN) sai hanesan abrigu ka fatin ba ema komete krimi ninian, tanba Sekretáriu Jerál Partidu Congresso Nacional Reconstrução de Timor (CNRT), Francisco Kalbuadi Lay ne’ebé hetan ona notifikasaun husi Tribunal, ativu fali nu’udár deputadu iha PN husi bankada CNRT.

“Ha’u hakfodak deputadu Sekretáriu Jerál Partidu CNRT, Francisco Kalbuadi Lay sai deputadu aktivu iha PN durante tempu naruk, iha fulan tolu (3) polêmika simu notifikasaun husi Ministériu Públiku (MP) atu hatán iha tribunal, ha’u la hatene PN segundu orgaun soberanu, sai fali abrigu ba ema komete krimi”, José Agustinho Sequeira Somotxo liu husi ninia intervensaun polítika iha plenária, Segunda (25-02-2019).

Tanba ne’e deputadu husi bankada FRETILIN ne’e husu ba Prezidenti PN, Arão Noe no bankada CNRT atu halo klarifkasaun kona-bá prezensa husi Sekretáriu Jerál Partidu CNRT iha PN.

“Antes ne’e deputada Virgínia Ana Belo maka substitui Sekretáriu Jerál partidu CNRT, Francisco Kalbuadi Lay nu’udar reprezentante povu iha PN, halo deputadu husi bankada FRETILIN hakfodak, tanba antes ne’e mós Kalbuady simu ona notifikasaun husi MP atu presta deklarasaun iha tribunál.

Hatán ba kestaun ne’e, deputadu Francisco Kalbuadi Lay Rekoñese simu duni notifikasan husi Prokuradór Jerál Repúblika (PJR) no Aujenti husi Timor-Leste signifika la’os hala’i husi prosesu justisa, maibé ba halo tratamentu saúde iha estranjeiru.

“Hafoin ha’u simu notifikasaun husi PJR, ha’u mós hakerek karta ofisial ba PJR katak, ha’u iha asuntu partikular ne’ebé atu trata no atu halo tratamentu saúde iha estranjeiru, depois iha karta seluk haruka fali ba ha’u nia Prezidenti CNRT, Kay Rala Xanana Gusmão husu atu fó autorizasaun hodi hatán ba prosesu inkéritu no bainhira aujenti husi Timor-Leste, halo tratamentu saúde, iha mós notifikasaun foun atu halo kapturasaun, tanba kondisaun moras hela, maibé sei la subar-an iha imunidade nia okos no prontu atu koopera ho seitor justisa no prontu atu ba presta deklarasaun iha MP”, klarifika Kalbuadi.

Kona-bá preokupasaun FRETILIN ninian ne’e, Xefi bankada CNRT, Duarte Nunes klarifika katak, Kalbuadi Lay aktivu hanesan deputadu iha PN, tanba antes ne’e deputada Virgina Ana Belo maka substitui.

“Tuir ami nia lista ikus liu maka deputada Virgina Ana Belo, maibé deputada refere, nune’e deputadu Kalbuadi Francisco tu’ur iha PN mós sai deputadu hanesan no kadeira hanesan ho ita“, haktuir Xefi bankada CNRT ne’e.

Entretantu iha fulan Dezembru, tinan 2018, Prezidenti CNRT, Kay Rala Xanana Gusmão hetan notifikasaun husi Prokuradora Jerál Repúblika, Lidia Soares, iha gabineti sentral ba kombate korrupsaun no krimi organizada, iha notifikasaun ne’e husu Xanana atu fó autorizasaun ba Sekretáriu Jerál CNRT, Kalbuadi hatán ba prosesu inkéritu, tanba konsidera hanesan suspeitu ba prátika krimi brankamentu kapitál. ety


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker