GMN TV Politika Governu presiza aprosima PR ba membru Governu pendenti

Governu presiza aprosima PR ba membru Governu pendenti

0 views

Diretor Ezekutivu Luta Hamutuk (LH)  José Alves da Costa husu ba VIII Governu ne’ebé lidera husi Primeiru Ministru (PM), Taur Matan Ruak, atu halo aprosimasaun didi’ak ho Prezidenti Repúblika (PR), Francisco Guterres ‘Lú Olo’ hodi hetan solusaun ba lista membru Governu ne’ebé  to’o agora sei pendente hela, atu nune’e labele prejudika ezekusaun Orsamentu Jeral Estadu 2019.

“Kuaze tama fulan sia  ona, ita-nia Governu ida ne’e, la’o ho membru Governu ne’ebé mak la kompletu, dala barak ona ita ko’alia katak, presiza aprosimasaun di’ak ho Prezidenti da Repúblika, para oinsa bele fó toma pose lalais ba membru Governu nain 9 ne’e, maibé la signifika katak, ba ami Luta Hamutuk, ami konsistenti nafatin katak,  presiza haree fila-fali,  membru nain 9 ne’e katak, iha balun ita haree komesa tribunal bolu ona, siginifika iha indikasaun kazu, entaun sé ita hakarak haree Governasaun ida ne’e mai ho Governu ne’ebé mak foun, no ema ne’ebé ho komitmentu no transparante,  akuntabilidade no anti korupsaun, di’ak liu nain sia ne’ebé balun tribunal notifika, di’ak liu hapara no tenki troka”, dehan José ba Jornalista GMN Tersa (12/02/2019) iha nia kna’ar fatin Farol Díli.

Nia haktuir, ba sira ne’ebé mak hetan ona notifikasaun,  hanesan ema hotu asisti, Francisco Kalbuadi lay no sira balun, tanba Primeiru Ministru, sei mantein nafatin sira nain sia.

Tuir José katak, Timor-Leste iha rekursu humanu ne’ebé matenek, tanba ne’e di’ak liu troka sira ne’ebé hetan ona notifikasaun.

“Membru Governu seidauk kompletu, jatamente sei prejudika ba iha ezekusaun orsamentu jeral Estadu 2019 ninian, tanba  laiha ministru ida, atu responsabiliza ba iha ezekusaun, ne’e ladun normal, tanba ne’e hakarak ka lakohi, Governu tenki konsidera mós sujestaun Prezidenti Repúblika nian antes, hatete katak, nia la fó posse tanba iha razaun. Los duni katak, ne’e kompetensia Tribunal Rekursu ninian, maibé hanesan Governu hakarak promove transparansia, akuntabilidade anti korupsaun, hakarak boa Governasaun, di’ak liu hamos kandidatu duke, ita bolu fali kandidatu sira ne’ebé mak públiku kestiona”, katak Diretur Ezekutivu Luta Hamutuk ne’e.oly


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker