GMN TV Politika ME hamenus estudante RE, FRETILIN lamenta, AMP apoia

ME hamenus estudante RE, FRETILIN lamenta, AMP apoia

0 views

Bankada FRETILIN iha Parlamentu Nasionál (PN), lamenta ho planu Ministériu Edukasaun (ME) ne’ebé hamenus númeru estudante husi Rejime Espesiál (RE) ne’ebé passa ona iha UNTL kuaze 7000.

Deputada Maria Ângelica Rangel husi bankada FRETILIN hateten, futuru nasaun Timor-Leste nian iha labarik sira nia liman, tanba ne’e, Governu tenki investe maka’as iha edukasaun.

“Ita polítika kanta dehan, tenki iha investimentu ne’ebé kualidade, tenki investe ba ita-nia oan sira para servi ba povu no nasaun, maibé ita rasik des-akredita ita-nia universidade sira, maibé ita hatene katak, universidade ne’ebé mak di’ak iha Timor ne’e, Governu nia rasik mak UNTL, hakarak halo polémika hodi lakohi simu ita-nia veteranus nia oan sira. Ita-nia veteranus nia oan sira, iha estatutu kombatentes libertasaun nasional, fó dalan no previleizu hanesan, saúde, edukasaun, no iha rejime espesial UNTL nian mós, fó dalan atu simu veteranus nia oan sira”, katak Maria Ângelica Rangel iha plenária PN, Segunda(18/02/2019).

Deputada opozisaun ne’e kontinua kestiona katak, ME atu hamenus estudante rejime espesial husi 7000 ba 1500 ne’e la dignu.

“Depois halo rejistu, ita-nia veteranus nia oan sira hamutuk 7000 atu tama iha UNTL, maibé infelizmente, ministériu ne’ebé tutela, hakarak simu de’it 500, lakleur dehan atu simu de’it 1000, depois mai fali dehan katak, atu simu de’it 1500, entaun restu ne’e atu ba tau iha ne’ebé?. Sira nia inan aman fó vida tomak ba nasaun ida ne’e, serake sira labele hetan edukasaun ida dignu iha UNTL?”, katak Maria Rangel.

Tanba ne’e, deputada FRETILIN ne’e rekomenda ba Ministériu Edukasaun ho UNTL, atu bele akumula hotu estudante rejime espesial 7000 ne’e ho estudante sira seluk.

Maibé, deputada bankada apoia Governu, Albina Marçal prefere atu UNTL simu estudante tuir kapasidade, nune’e bele garante kualidade edukasaun, maske veteranus nia oan.

Veterana ne’e mós sujere ba veteranus hotu iha territoriu Timor laran tomak, atu bele kompriende ho kapasidade no kondisaun UNTL nian, atu bele akumula hotu estudante hirak ne’e.

“Maluk veteranus sira, ita mós tenki kompriende kapasidade rasik, la’os tanba veteranus, ita-nia oan, bei-oan, subrinu ba hotu kedas, maibé tenki iha mós regras”, relata deputada CNRT ne’e.

Hatan ba preokupasaun deputadu sira nian ne’e, Ministru Reforma Lejislativu no Asuntu Parlamentar (MRLAP), Fidelis Magalhães hateten, ME mós esforsu atu garante asesu no garante kualidade iha UNTL nian.

Enkuantu, estudante rejime espesial kuaze 7000 no estudante la’os rejime espesial kuaze 2000 mak passa ona iha Universidade Nasional Timor-Leste (UNTL) ba tinan 2019 nian.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker