GMN TV Politika Japaun apoia millaun USD 2.5 hodi haforsa siénsia no matemátika iha TL

Japaun apoia millaun USD 2.5 hodi haforsa siénsia no matemátika iha TL

0 views

Governu Japaun apoia Orsamentu Millaun USD 2.5 hodi haforsa Siênsia no Matemátika iha Timor Leste (TL). Projetu ne’e sei implementa husi United Nation Educational Scientific and Culture Organization (UNESCO) durante tinan rua (Marsu 2019 – Marsu 2020).
Atu impelemta projetu nee, Governu Japaun no UNESCO asina ona akordu, iha salaun VIP Ministériu Edukasaun Vila -Verde Díli, Tersa (26/02/2019), maibe parte Ministeriu Edukasaun nian seidauk asina, tanba sei lori ba Konsellu Ministru.
Serimonia asina akordu ba programa apoiu fundus millaun USD 2.5 ne’e, hala’o husi Embaixadór Japaun mai Timor Leste Hiroshi Minami ho reprezentante UNESCO, Shahbaz Khan.
Reprezentante Ministra Edukasaun Joventude no Deportu, Diretur Jerál Ensinu Superior Ministériu Edukasaun Abrão dos Santos maka sai sasin ba asina akordu ne’e.
Programa siénsia no matemátika ne’e sei implementa iha eskola ensinu primária iha Timor Leste ensinu báziku síkulu primeiru no segundu liu husi mobilizasaun espesialista sira iha área siênsia no matemátika.
Iha intervensaun, Diretur Jerál Ensinu Superior Ministériu Edukasaun, Abrão dos Santos reprezentante Ministra Edukasaun Joventude no Desportu hateten, razaun Ministeriu Edukasaun labele asina, tanba program ne’e sei aprezenta iha Konsellu Ministru.
“Atu esklarese deit ba ita bo’ot sira katak ministra seidauk asina akordu ida ne’e ho razaun, tanba sei presiza lori ba Konsellu Ministru mais tarde tekniku sira elabora depois mak sei asina tuir mai”, hatuir, reprezentante Ministra Edukasaun Joventude no Desportu, Abrão dos Santos.
Iha uportunidade nee Ministeriu Edukasaun agradese ba esforsu tomak Governu Japaun nian ne’ebe hamutuk ho UNESCO kontinua fo apoiu Ministeriu Edukasaun Joventude no Desportu liu-liu iha area siénsias no matematika.
Iha fatin hanesan, Embaxadór Japaun iha Timor Leste, Hiroshi Minami, hateten apoiu osan ba programa Siénsia no Matematika ne’e nu’udar esforsu Governu atu hasa’e liutan Siénsia no Matematika.
“Projeitu ida ne’e parte ida husi esforsu atual ida husi diplomasia Japaun nian peritu sira iha area siénsia no teknolojia ne’ebe buka hodi haforsa siénsia no matematika ba ensinu baziku hodi kontribui dezemvolve no deversifika ninia ekonomia iha tempu naruk,” hateten, Embaxador Japaun .
Nune’e mós, Shahbaz Khan, reprezentante United Nations Education Cientific Cultural Organization - UNESCO konsidera hanesan opurtunidade ida tan ba UNESCO atu partisipa iha projetu hasa’e edukasaun siénsia no matematika iha Timor Leste.
“Projeitu ne’e importante tebes ba Timor Leste, tanba ba planu dezemvolvimentu no dezemvolve liutan ba siénsia no matematika liu-liu ba ensinu edukasaun primeiru no segundu siklu no UNESCO nafatin hakarak servisu hamutuk ho Ministeriu Edukasaun, komisaun UNESCO iha Timor”, termina Shahbaz Khan.Eus


Banner

Foto

Notisia Ikus

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...

Australia sei fasilita bolsa estudu ba Veteranu no Martires nia oan

June 21, 2022
Embaixadór Australia iha Timor-Leste (TL), Bill...

PR Horta: TL mos hetan impaktu husi krize geopolítika mundiál

June 21, 2022
Prezidente Repúblika nu’udar mos premiadu nob...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker