GMN TV Capital Kargu Xefia Sekretariadu Jerál PN simu pose

Kargu Xefia Sekretariadu Jerál PN simu pose

0 views

[:tl]

Prezidente Parlamentu Nasional (PN), Arão Noe, Sesta (15/2/19), fó posse ba kargu xefia sira iha Sekretariadu Jerál Parlamentu Nasionál.

Prezidente orgaun lejislativu ne’e hatete, tuir lei númeru 12/2017, lei Organizasaun no Funsionamentu Administrasaun Parlamentu Nasional ninian, no mos baseia ba reuniaun Konsellu Administrasaun iha fulan ida liu ba autoriza no aprova hodi halo mudansa ba kargu xefia sira iha Sekretariadu Jeral Parlamentu Nasional, tanba mandatu remata ona.

“Ami halo asaun ida ohin para normaliza tiha estrutura foun ho mandatu ba tinan tolu nian tuir artigo 45 lei LOFAP nian, sira antes ne’e nia mandatu hotu por legislatura, ne’e katak IV legislatura hotu sira mos mandatu hotu. Tanba ne’e maka ami tenki halo asaun foun tuir lei LOFAP”, dehan Arão Noe iha PN.

Nune mos Prezidente Komisaun Funsaun Publika Faustino Cardoso konsideira prosesu ne’e importante nebe hatudu ko’operasaun institusional husi Sekretariu Jerál Parlamentu ho Komisaun Funsaun Publika, tanba sira ne’e hotu funsionariu publiku nian.

“Komisaun Funsaun Publika nia prezensa ohin ne’e atu sai mos testemuña no hato’o mos idea oinsa ba oin atu servisu hamutuk, liu liu liga ho kestaun nebe seidauk kontempla iha lei pesoal parlamentar nian, kuandu iha situasun sira ne’e KFP prontu atu servisu hamutuk, tanba iha lei dehan wainhira seidauk iha regras, normas nebe hatur iha lei trabalhador Parlamentar nian tenki basei ba lei Funsaun Publika ninian,” dehan Faustino Cardoso

Prezidente Komisaun Funsaun Publika Faustino Cardoso mos hato’o parabens ba sira nebe foin hetan pose espera katak bele servisu ho responsabilidade, servisu ho profesional, labele servisu baseia ba konfikasaun idiologika ruma. nes

[:]


Banner

Foto

Notisia Ikus

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...

Projetu-Lei Responsabilidade PR inkonstitusionál, PN la konkorda desizaun TR

June 29, 2022
Prezidente Komisaun A, Deputadu Joaquim dos Sant...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker