Ministru Reforma Lejislativa No Asuntus Parlametares, Fidelis Magalhães, hatete, VIII Governu konstitusional sei hasoru dezafiu iha ezekusaun Orsamentu Jeral Estadu tinan 2019, tamba estrura membru Governu seidauk kompletu to’o agora.
“Ekezusaun OJE sei hasoru ,hanesan imi hotu hatene ba Governu ida ideal liu ninia membru kompletu ,maibe aktual ne’e membru Governu seidauk kompletu ,Governu ida ho dever atu ezekuta OJE ho diak ne’ebe ita sei la koalia konaba kualidade ezekuasaun diak ou lae ,maibe ida ne’e dever ida que tau hela iha Governu nia kabas ,tenki ezekuta ho diak”, hato’o asuntu ne’e,hafoin hala’o vizita ba iha Banku Nasional Comersiu Timor-Leste, Kaikoli, Segunda (11/02).
Tuir Fidelis Magalhães katak maske Orsamentu Jeral Estadu 2019 promulga ona, maibe iha ezekusaun governu sei infrenta dezafiu, tamba esrtrutura governu ne’ebe seidauk kompletu nune’e sei fo impaktu ba prosesu ezekusaun.
“Agora Governu rasik avansa ona ho lista kandidatu ba iha membru Governu até a data seidauk iha alterasaun ba lista membru Governu ,tamba ida ne’e ita sei hein atu prosesu ne’e kontinua iha tempu badak bele hetan membru sira ne’e bele hetan nomeisaun e posse husi Prezidente Repúblika, lista membru Governu sei nafatin ,seidauk iha indikasaun orientasaun ruma husi Primeiru Ministru Taur Matan Ruak, konaba kompozisaun membru Governu”, dehan Fidelis Magalhães.
Maske nune’e Governu kontinua ezekuta orsamentu ne’e tuir pragrama no planu nee’ebe iha ona hodi responde nesidade povu nian.
Fidelis Magalhães hatutan tan katak Xefe ezekutivu Taur Matan Ruak, kontinua halo negosiasaun ho Prezidente Republika Francisco Guterres Lú-Olo hodi hetan solusaun kona ba kandidatu membru governu nain sia ne’ebe sei seidauk hetan pose to’o agora.
“Governu kumpri ona Governu nia dever Governu aprezenta ona ba iha Parlamentu ,Parlamentu kumpri ona Parlamentu nia dever nai Prezidente Repúblika promulga tiha ona que dizer halo tiha ona dever konstitusional Prezidente nian”Fidelis esplika.
Lista membru governu ne’ebe sei pendente hela mak hanesan,Francisco Kalbuadi Lay, Alfredo Pires, Helder Lopez, Tomas Cabral, Sergio Lobo, Virgilio Smith, Jacinto Rigoberto, Samuel Marcal Ho Jose Turquel.tos
