GMN TV Politika PD ezije Governu halo tradusaun dokumentu sosa asaun ConocoPhillips-Shell

PD ezije Governu halo tradusaun dokumentu sosa asaun ConocoPhillips-Shell

0 views

Vise Xefi bankada Partido Democrático (PD), Adriano do Nascimento, kestiona teb-tebes ho dokumentu prosesu sosa asaun husi kompañia petrolífera ConocoPhillips no Shell ne’ebé distribui husi Ministériu Finansas ho lian português ba lian Tetun atu sira bele kompriende dokumentu refere.

“Ohin (21/02) Ministra Interina MF, Sara Lobo Brites mós rekoñese katak atu halo tradusaun de’it susar, nune’e ami ida atu lee ne’e susar liu tan,  ha’u la koalia, tanba ha’u la komprende atu husu saida, ita boot sira servisu ba kestaun ida ne’e de’it mós susar atu traduz oinsa ho ami ida lee”, Vise bankada PD ne’e liu husi ninia intervensaun polítika liu husi plenária, bainhira Governu aprezenta no informa polítika investimentu fundu petrolífera ba PN, Kinta (21-02-2019).

Tanba ne’e, Adriano do  Nascimento husu ba MF koko atu halo tradusaun ba dokumentu ne’e, tanba iha experensia uluk ninian deputadu sira iha PN hateten dokumentu ne’ebé lori mai iha PN, tenki halo tradusaun, atu nune’e deputadu sira komprende tiha maka fó votus.

“Ha’u la ko’alia, tanba ha’u la intende lian português, nune’e sé bele dokumentu ne’ebé importante halo tradusaun tiha hotu maka lori mai PN hodi nune’e ami bele intende apoiu ho konsensu”, haktuir Vise bankada PD ne’e.

Hatán ba preokupsaun ne’e, Prezidenti Parlamentu Nasional (PN), Arão Noe hateten, PN mós iha tradutor, tanba ne’e dokumentu ne’ebé maka deputadu sira presiza atu halo tradusaun, meja mós sei enkamiña ba tradutor halo tradusaun ba dokumentu hirak ne’ebé deputadu sira la komprende.

Nune’e mós Ministra Finansas (MF) interina, Sara Lobo Brites, rekoñese dokumentu aprezenta ho lian português, tanba termu investimentu dífisil atu halo tradusaun.

“Iha ínisiu ami mós iha hanoin atu halo tradusaun, maibé kestaun termu ami aprezenta ho lian português de’it, maibé dokumentu hirak ne’e antes ne’e ami distribui ona ba deputadu sira”, haktuir MF interina ne’e.ety


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker