GMN TV Politika PLP: Públiku preokupa MRLAP nia servisu

PLP: Públiku preokupa MRLAP nia servisu

0 views


Reprezentante povu iha uma fukun Parlamentu Nasionál (PN), liu-liu bankada Partidu Libertasaun Popular (PLP), Sabino Soares ‘Guntur’  husu ba Ministru Reforma Lejislativa Asuntu Parlamentar (MRLAP) atu   klarifika sira-nia servisu durante ne’e, tanba públiku sei dúvida ho servisu  MRLAP ninian.

“To’o ohin loron funsionamentu servisu ida ne’e (MRLAP-red) seidauk fó klareza loloos ba públiku katak, MRLAP ninia servisu ne’e atu halo saida, no nia kna’ar maksimiza to’o iha ne’ebé, bele  fó informasaun ida klaru ba ami PN atu bele hatene”, deputadu bankada PLP ne’e liu husi ninia intervensaun polítika iha plenária, Segunda (04-02-2019).

Nia esplika, razaun husu klarifikasaun husi MRLAP esplika sira nia servisu ne’e, tanba dau-daun ne’e públiku preokupadu no konfuzaun hela ho sevisu MRLAP ninian.

“Durante fulan hitu (7) atu ba walu (8) ona, maijumenus halo ona estudu viabilidade ruma para instituisaun Estadu ida ne’ebé maka ita presiza reforma ka hadi’a, instituisaun independente ka otónomia sira ne’ebé maka duplika kompetensia sistema ne’ebé maka iha ona para hadi’a”, haktuir Guntur.

Nia akresenta, tanba ohin loron funsionamentu servisu MRLAP ninian ne’e seidauk fó klareza loloos ba públiku katak, MRLAP nia servisu ne’e atu halo saida no MRLAP ninia kna’ar ne’e maximiza to’o ne’ebé ona.

“Pelumenus fó informasaun ida ba ami PN para hatene katak, bainhira maka ita ínisia atu reforma, ko’alia kona-bá sistema ne’ebé maka duplika kompetensia instituisaun Estadu sira, nune’e mós instituisaun autónomu ka duplika mós instituisaun Estadu sira nian”, relata deputadu bankada PLP, Sabino Soares.

Hatán ba kestaun ne’e, MRLAP, Fidelis Magalhães responde katak, kona-bá  MRLAP nia servisu durante ne’e lubuk ida ona, tanba hamutuk ho Governu halo ona aprovasaun dekretu Governu no prosesu legal hotu.

“ami hakarak informa no hafoin hari’i MRLAP ne’e iha inisiativa barak ami hola parte, ita bo’ot sira lembra husi transferência orsamentu USD milliaun 140, diskusaun programa governu no Orsamentu Jerál Estadu (OJE), preparasaun governu ninian to’o halo aprovasaun dekretu Governu, inklui diskusaun konstituisionalidade ba aktus Governu nian iha relasaun ho lei sira iha PN”, haktuir Fidelis Magalhães.

Entretantu ho partisipasaun MRLAP ninian, semana rua (2) liu ba Konsellu Ministru (KM) aprova ona dokumentu xavi rua (2) hanesan, polítika Governu, desidi autoriza ona kria vokal point iha gabinete sira hotu. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker