GMN TV Politika PN suspende diskusaun rezolusaun subsídiu ba titular

PN suspende diskusaun rezolusaun subsídiu ba titular

Reprezentante povu iha Parlamentu Nasionál (PN), suspende ajenda diskusaun ba rezolusaun nú 17/V kona ba, subsídiu titular, diresaun kargu xefia no funsionáriu sira PN nian.

Diskusaun ba rezolusaun ne’e suspendidu, tanba durante diskusaun iha plenária sesaun Portuguese Tersa (19/02/2019) ne’e, laiha intendementu entre bankada governu no opozisaun.

Durante diskusaun, deputada bankada FRETILIN, Josefa Âlvares Pereira, sujere ba meja PN, atu bele tetu didi’ak, maske autónomo orsamental, hodi nune’e bele garante poupança orsamental.

Deputada opozisaun ne’e mós rekoñese, rezolusaun ne’ebé iha bazeia ba regras autónomo finanseira nian, maibé tenki iha balansu.

“Tenki iha balansu para ita bele iha sustentabilidade ekonómika Estadu, ita gosta foti ida ne’e, foti ida ne’ebá, no foti seluk tan. Loos duni katak, iha lei LOFAP ne’e permite, maibé subsídiu sira ne’e mós ita tenki haree didi’ak, ita labele kria buat ne’ebé dekontenta fali iha maluk sira seluk nia laran”,dehan Josefa.

Deputada opozisaun ne’e rekomenda, molok halo regalias, tenki bazeia ba rezultadu servisu husi funsionáriu nian.

“Tenki haree mós volume servisu, PN ho Governu, PN ne’e hanesan órgaun ne’ebé ema ativu ne’e ladun, ema barak halai mai iha ne’e tanba regalia sira ne’e, maibé iha Governu ema atu fó regalia mós haree lai”, tenik Josefa.

Hatán ba kestaun ne’e, Prezidenti Parlamentu Nasionál (PPN), Arão Noe Amaral, afirma, rezolusaun refere la’os foun, maibé kontinua de’it husi IV lejislatura nian ne’ebé lakonsege halo aprovasaun.

“Kona-ba direitu sira nian, ha’u hakarak dehan katak, kargu Xefia iha IV lejislatura, tanba sira mak ita halo retorativu fulan Maiu,  ita kobre sira nia direitu tanba sira seidauk priense rezolusaun, tanba IV lejislatura la konsege aprova rezolusaun ne’e. Konsellu administrasaun la konsege reuniaun, rezolusaun ne’e mós la’os foun seidauk aprova mak ita foin lori mai  iha plenária, aprova inklui sira iha ne’ebá.  Ba sira ne’ebé foun ba kargu xefia tuan ona simu nafatin sira nia direitu,  sira ne’ebé tuan kriasaun altersaun lei LOFAP iha 2017 ”, relata Arão Noe.

PPN ne’e esklarese, rezolusaun ne’e iha proposta foun ida kona ba, subsídiu transporte nian ba funsionáriu ne’ebé uza transporte privadu.

Kada funsionáriu loron ida sei hetan $ 5 dollar, nune’e bele minimiza sosa karreta no halo manutensaun.

“Kona-ba direitu de bonus, ita kompara formuláriu ita apresenta mai tuir representasaun mensal Governu nian ba adjuntu SEKJER USD 450 ba diretur, USD 380 xefe divizaun, USD 310 ba rezolusaun parlamentu nasional mós kobre hela ida ne’e, liu 20% ba saláriu. Restu ita sei tuir sujestaun ne’e, ha’u konkorda belé forma ekipa ida halo fali proposta projetu ida kona-ba númeru subsídiu ne’e bele hatun no hasa’e kona-ba rezolusaun, ha’u bele ordena ba tekniku sira bele halo kopia tanba ida ne’e dokumentu públiku ona, iha rezolusaun ne’e mós sita hela kona-ba revoga domkumentus anterior ne’ebé aprova, ho ida ne’e mak úniku fó subsídiu”,esplika Arão Noe.

PPN mós anunsia, ajenda diskusaun refere suspende no sei diskuti hikas iha plenária semana oin, hafoin iha konsensu entre parte bankada opozisaun ho Governu.say


Banner

Foto

Notisia Ikus

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...

Governu aplika KO iha Ermera

July 31, 2021
Governu aplika ona Konfinamentu Obrigatóriu (KO...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker