Lider Nasionál José Ramos hatete nia la fiar Mari Alkatiri mak fó presaun ba Prezidente Repúblika (PR), Francisco Guterres Lú Olo hodi veta Orsamentu Jerál Estadu 2019.
Lauriado nobel da Paz koalia lia hirak nee hodi responde preokupasaun Públiku, liu-liu Espekulasaun iha Média Sosiál ne’ebé dehan, Prezidente Repúblika Veta OJE 2019, tanba hetan presaun husi Sekretáriu Jerál FRETILIN, Mari Alkatiri.
Hafoin Prezidente Republika Francisco Guterres Lu Olo, Veta Orsamentu Jeral Estadu tinan 2019 iha fulan kotuk mosu espekulasaun no informasaun oioin iha media sosiál katak, veta ne’e tanba Xefe Estadu hetan presaun husi Sekretariu Jeral FRETILIN Mari Alkatiri.
“Iha media social balun hatete Dr.Mari Alkatiri maka hanesan kontrola prezidente ka halo presaun ba pozisaun radikal prezidente nian ne’e lae ne’e la los. Dr.Mari Alkatiri mos hakarak Governu ne’e mos bele realiza nia programa nia mos hakarak rai ne’e atu la’o ba oin ,alende kritika ne’ebé barak halo kontra nia ne’e dala ruma ne’e la justu .Nia mos servisu makas ho diak iha Oe-Cusse noa nia mos hakarak kontribui para rai ne’e la’o ba oin”, deklara Ramos Horta.
FRETILIN opozisaun hakarak dialogu ,maibe opozisaun mos tenki hatudu asaun konkretu ruma ne’ebé fasilita Governu ,ita hakarak dialogu ,maibe opozisaun iha Parlamentu Nasional ataka bebeik ne’e mos halo koligasaun AMP mos laran susar .
Ramos Horta rezeita ho espekualsaun ne’e, tanba tuir José Ramos Horta katak, Mari Alkatiri mos hakarak atu Oitavu Governu realiza nia programa.
“FRETILIN opozisaun hakarak dialogu ,maibe opozisaun mos tenki hatudu asaun konkretu ruma ne’ebé fasilita Governu ,ita hakarak dialogu ,maibe opozisaun iha Parlamentu Nasional ataka bebeik ne’e mos halo koligasaun AMP mos laran susar Ita bele kria dialogu ho klima ida ne’ebé diak no dialogu ba oin dahuluk Prezidente Repúblika promulga OJE 2019 ,haree dadauk fo posse ba membru Governu ne’ebé sei falta ne’e ,ne’e ita haree ambiente komesa didiak dadaun ona, para ba oin ita kolabora ba malu oinsa”, hatutan Ramos Horta.
Nune’e, diplomata senior ne’e apela ba ema hotu, atu respeita Xefe Estadu, respeita Kay Rala Xanana Gusmão , Primeiru Ministru Taur Matan Ruak, no Mari Alkatiri ,tanba sira hotu iha matenek no responsabilidade ba povu.
Ramos Horta, husu ema hotu atu respeita Xefe Estadu,respeita maun bo’ot Kay Rala Xanana Gusmão, Primeiru Ministru Taur Matan Ruak,respeita Dr.Mari Alkatiri ,tamba sira hotu hotu iha matenek sira hotu ho ema iha integridade no sira iha responsabilidade ba povu atu tur hamutuk koalia ,maibe ida-idak atu halo oinsa ho fleksibilidade. Hau hanoin tempu to’o ona para PR fo posse ba membru Governu ne’ebé mak sei falta papel PR nian mak tenki bele koalia no bele hatete sai nia preukupasaun ,maibe labele blokeia fali membru Governu.
Xefe Estadu veta Orsamentu Jerál Estadu Tinan 2019, tanba Konsidera Orsamentu nee montante boot liu no laiha benefisiu ba Povu no lai sustetabilidade.tos
