GMN TV Politika Tempu badak, Governu sei prosesa millaun USD 650 ba ConocoPhillips ho Shell

Tempu badak, Governu sei prosesa millaun USD 650 ba ConocoPhillips ho Shell

0 views

VIII Governu konstitusional ne’ebé lidera husi Primeiru Ministru, Taur Matan Ruak, iha tempu badak nia laran ne’e, sei informa ba Parlamentu Nasionál (PN), no Banku Central Timor-Leste (BCTL) atu hahú prosesa orsamentu millaun USD650 ba komapañia ConocoPhillips ho Shell.

“Tuir prosesu, bainhira Governu atu avansa ho inisiativa ne’e, tenki informa ba iha PN, bainhira Governu husu ba iha BCTL atu hahú prosesu ne’e iha tempu badak, ami Governu sei mai informa iha PN kona ba Governu nia intensaun, antes atu hahú transferensia millaun USD 650 ne’e”,informa Ministru Reforma Lejislativa no Asuntu Parlamentares, (MRLAP), Fidelis Leite Magalhães ba jonralista iha PN, Sesta(08/02/2019).

Governante ne’e haktuir, prosesu sosa asaun ne’e kontinua la’o, maske bankada opozisaun iha PN hatama pedidu fiskalizasaun abstrata ba Tribunal kona ba legalidade Lei Atividade Petrolífera (LAP), ne’ebé promulgadu no publika ona iha jornal da repúblika iha loron 18 fulan Janeiru tinan ne’e.

Tanba Fidelis esklarese, tuir pozisaun Governu, alterasaun lei ne’e konstitusional, no sei kontinua vale bainhira sei vigor no seidauk iha alterasaun foun.

“Buat ida lei ita labele tunda (adía_red), tanba iha prosesu ida kontra lei ida, lei ne’e so bele la vale, kuandu lei foun altera nia, maibé wainhira lei ida iha vigor hela, vijente hela, lei ne’e mak ita aplika.

Señores sira (bankada opozisaun) halo prosesu husu prosesu husi Tribunal, ne’e prosesu la’o, depois sira (opozisaun) sei hetan resposta husi Tribunal. Maibé ita labele tunda (adía_red) tiha lai implementasaun lei ne’e, tanba de’it prosesu fiskalizasaun ida la’o hela, la funsiona hanesan ne’e”, esplika Fidelis.

Governante ne’e haktuir, VIII Governu konstitusional apoia inisiativa deputadu opozisaun ne’ebé hato’o pedidu ba Tribunal, maibé sei la adía prosesu implementasaun, bainhira seidauk iha resposta husi Tribunal kona ba inkonstitusionalidade ou lae.

Iha sorin seluk, deputada bankada FRETILIN, Josefa Pereira hateten, Depende ba desizaun Tribunal Rekursu (TR) nian, inkonstitusional ou konstitusional.

“Tenki kumpri saida mak Tribunal Rekursu fó, bainhira dehan inkonstitusionalidade, prontu tenki kumpri, ita atu ba tan ne’ebé, tanba TR mak Tribunal ne’ebé ásliu ona. Presiza altera ou la’e ne’e depende, ou kumpri lei ida uluk, se nia hato’o mai inkonstitusional fó kumprimentu ba LAP ida uluk”, katak Josefa.

Alterasaun lei nú 13/2005, Lei Atividade Petrolífera (LAP) ne’e, promulgadu no publika ona iha jornal da repúblika, hafoin Prezidente Repúblika veta dala ida, tanba  kestiona kona ba legalidade  no konsekuensia husi lei refere.say

 


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker