GMN TV Politika AKBN kritika PR la envolve líder rezisténsia seluk iha diálogu nasionál

AKBN kritika PR la envolve líder rezisténsia seluk iha diálogu nasionál

0 views

Assosiasaun Kombatentes Brigada Negra (AKBN), hato’o karta preokupasaun no kritika ba Parlamentu Nasionál (PN), relasiona diálogu Prezidente Repúblika, Francisco Guterres Lú Olo, hala’o ho líder polítiku sira ne’ebé la envolve líder sira  hanesan Abilio Araújo, Rogeiro Tiago Lobato no líder sira seluk ne’ebe luta no asume kargu importante iha tempu rezisténsia.

 “Razaun fundamental ida ne’ebé ami hanoin iha diálogu entre Prezidente Repúblika ho líder nasionál sira limitadu tebes no la envolve líder sira hotu. Pontu importante hosi karta ida ne’e atu solisita ba Parlamentu Nasionál, konaba líder istóriku balun ne’eb’e uluk assume kargu Xefia iha Orgaun Estadu no Organizasaun Rezistensia, maibé la hetan karta konvite hodi partisipa iha ronda diálogu entre Xefe Estadu ho líder historiku nasionál”, deklara Prezidente AKBN, Nuno Manuel Corvelo, ba Jornalista sira, Segunda (17/02/2020) iha PN.

Prezidente AKBN haktuir, lolos ne’e envolve líder sira hotu iha diálogu atu nune’e hotu-hotu bele fó sira ninia hanoin konaba solusaun hakotu impase polítiku ne’ebe mak la’o ona durante tinan rua resin seidauk iha solusaun.

“Ami nia hanoin atu hakotu impase tenke tuir parametru demokrátiku no konstitusionais, maibé dalabarak ita nia konstituisaun kopia barak hosi Nasaun sira, ne’ebé dezenvolvidu liu no la kompetive ho realidade ne’ebé ita iha, ha’u hanoin ita iha meus barak hodi hakotu impase polítiku”.

Nuno Manuel salienta, Timor-Leste iha kultura diálogu nahe biti bo’ot hanesan kultura Timor nian, ne’ebé ema hotu hatene hodi tur hamutuk tetu diverjénsia ne’ebé iha  hodi hetan konkluzaun ida diak ba povu tomak.

“Iha solusaun barak, antes iha formasaun foun ba X governu tuir konstituisaun fó dalan, no dalan seluk mak hakarak ga lakoi tenke ba eleisaun antisipada, tanba desizaun saida deit mak diak ba povu ami apoiu”,haktuir Nuno Corvelo.

Iha semana kotuk liu ba Xefe Estadu, Francisco Guterres Lú Olo, hala’o ona diálogu ho líderes polítikus hanesan, José Ramos Horta, Marí Alkatiri, Taur Matan Ruak, Roque Rodrigues, Lere Anan Timur, entretantu Kay Rala Xanana mak auzensia ka la partisipa iha diálogu ne’ebé refere.

Entretantu antes ne’e PR rona ona opiniaun konaba hakotu impase polítiku husi sociedade sivil, líder igreja no jurista sira. Tuir planu Xefe Estadu sei hala’o konsulta ba dala ikus mak halibur Konsellu Estadu, maibe seidauk deside kona-ba data ba ida ne’e. Fel


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker