GMN TV Politika ASDT husu PN altera lei eleitorál

ASDT husu PN altera lei eleitorál

0 views

Conselho Nacional partidu Associação Social Democrata Timorense (CN-ASDT) husu ba Parlamentu Nasionál (PN) atu altera lei eleitorál, nune’e bele fó dalan ba ASDT kontinua eziste hanesan partidu no partisipa iha prosesu eleitorál.

“Ohin ami mai hasoru Prezidente PN, Arão Noe iha uma fukun PN,  reprezenta povu no PN maka produs lei, entaun ami mai husu oinsá atu altera fali lei, hodi fó dalan fali ba ASDT hodi bele eziste  nafatin, tanba ita ko’alia kona-bá hukum ketatanegaraan Timor-Leste tenke kesi ho  istória  ukun rasik-an. Istória ukun rasik-an mai husi partidu ASDT, tanba ita ko’alia kona-bá 28 de Novembro proklamasaun unilateral ho 20 de Maio restaurasaun independénsia loron rua ne’e iha ligasaun ho partidu ASDT”. “Razaun Tribunál Rekursu (TR) deside partidu ASDT la tuir eleisaun tinan 2017, tanba ASDT ba ho lista rua no emblema ne’ebé hanesan, tanba ne’e tribunál la admite partidu ASDT”, Adjuntu Sekretáriu Jerál ASDT, Hermengildo de Araújo ba jornalista sira iha PN, Sesta (28-02-2020).

Nia akresenta, lei sanak sira ne’ebé foin produs hafoin restaurasaun independénsia labele tesi fali lei inan nia hun no abut, tanba partidu ASDT maka hun no abut ba ukun rasik-an.

“Hafoin ne’e Prezidente PN konkorda, PN mak produs lei, prontu lori ami nia pedidu hodi fahe ba bankada sira hafoin bankada sira tetu to’ok, atu bele halo alterasaun ba lei ne’e ou la’e, ami fiar ho konsensia polítika bankada sira iha PN sei iha konsensia di’ak atu bele altera lei, nune’e partidu ASDT eziste nafatin”, subliña Hermengildo.

Fó hanoin fali mós katak, razaun TR deside ASDT la tuir eleisaun iha tinan 2017, tanba ba ho lista rua no emblema ne’ebé hanesan. ety


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker