GMN TV Politika CNRT sei kria koligasaun foun forma IX Governu ■ Alkatiri: FRETILIN sei la forma Governu iha 2020

CNRT sei kria koligasaun foun forma IX Governu ■ Alkatiri: FRETILIN sei la forma Governu iha 2020

0 views

Sekretáriu Jerál PD, António da Conceicão “Kalohan”, informa, partidu Congresso Nacional  Reconstrução de Timor (CNRT) sei kria koligasaun foun ho Partidu Polítiku (ParPol) sira, hodi forma IX Governu.

“Ohin ami ko’alia ho CNRT fó garantia ida oinsa atu ultrapasa situasaun ida ne’e, Prezidente partidu CNRT, Kay Rala Xanana Gusmão iha disponibilidade hamri’ik iha oin hodi ultrapasa, hodi fó konfiansa ba povu no ita bele hala’o dezenvolvimentu nasionál ba ita-nia rai. Proposta konkreta mai husi CNRT atu posivelmente CNRT bele lidera koligasaun ida”, Sekretáriu Jerál PD ne’e ba jornalista sira hafoin enkontru ho Prezidente partidu CNRT, iha Lecidere-Díli, Tersa (18-02-2020).

Proposta refere hato’o bainhira estrututa PD hasoru partidu CNRT, nune’e atu posivelmente CNRT lidera koligasaun ida, maibé integrasaun membru sira ne’e, sei hein halo komunikasaun ho partidu sira seluk.

“PD hanesan partidu ida ne’ebé la reprezenta ParPol seluk, maibé ko’alia de’it ba parte PD ni’an simu proposta ida ne’e, enkuantu ohin (18/2) dader ho partidu FRETILIN iha mós intensaun atu hanoin bele forma koligasaun ladauk dehan sé mak lidera.Maibé iha posibilidade atu integra partidu PLP, PD no FRETILIN, ami-nia pozisaun governu ne’ebé hanoin atu forma hanesan ba ami, importante la’ós iha de’it  governu ida, governu ida ne’ebé asegura estabililidade asegura kontinuidade hodi kompleta mandatu tinan 5“, tenik Kalohan.

Maske nune’e ho movimentu ParPol la’o ona, maibé seidauk iha konkluzaun, tanba sei iha abertura komunikasaun iha CNRT rasik atu buka sé atu forma governu, tanba ne’e PD tenke kontribui ba solusaun, hodi hakotu impase ho diferensia ne’ebé iha ezistensia partidária.

Alkatiri: FRETILIN sei la forma Governu iha 2020

Entretantu iha loron ne’ebé hanesan, iha Comite Central FRETILIN, Sekretáriu Jerál FRETILIN, Marí Alkatiri, hateten, FRETILIN sei la forma Governu foun iha tinan 2020 ne’e, maibe hakarak forma iha 2023.

“Ami FRETILIN hakarak forma governu iha tinan 2023, la’os 2020, tanba fim de semana delegasuan lima tun ona ba munisípiu 10”, tenik Mari Alkatiri. ety  


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker