GMN TV Politika Hakotu impase, CNRT-FRETILIN ideia lahanesan ■Xanana: Ami sei la envolve iha Governu foun mai

Hakotu impase, CNRT-FRETILIN ideia lahanesan ■Xanana: Ami sei la envolve iha Governu foun mai

0 views

Prezidente Partidu Congresso Nacional de Reconstrução Timorense (CNRT), Kaya Rala Xanana Gusmão, hatete, solusaun justa no demokrátika hodi hakotu impase polítiku iha rai-laran mak hakat ba Eleisaun Antesipada (EA). Maibe partidu FRETILIN liu husi nia Sekretáriu Jeral, Marí Alkatiri lakohi EA ba dala rua iha mandatu Prezidente Repúblika, Francisco Guterres Lú Olo ninian. 

“Prezidente rona ona Konsellu Veteranu, konfisaun relijioza, sosiedade sivil, ha’u hanoin katak Prezidente Repúblika sei iha persepsaun objetiva. Objetiva ne’e katak, hatene lolos buat sira ne’e hela iha ne’ebé oin nusa para bolu partidu sira atu koalia ba malu hodi forma Governu foun karik. Ida ne’e tuir ha’u nia análize informal, ida ne’e bele sai hanesan solusaun demokratika ida. Governu inkluzaun mos laos fasil, tanba depende ba partidu ida-idak. CNRT iha problema ida ne’e. Nia atu inkluzaun ka eskluzaun ka, formasaun ka, koligasaun ka aliansasaun ka, nia ema sei la toma pose. Se nune’e, ami labele sai hanesan alternativa ida atu fó solusaun. Karik no fim Prezidente haree ba tanba rona ema barak ona, segimentu husi ita-nia sosiedade, atu rona tan líder sira, no Prezidente haree katak, solusaun laiha, se laiha konsensu ho partidu sira seluk, la’os CNRT ona, ha’u sente katak, dalan solusaun justa no demokrátika maka eleisaun antesipada.”dehan Xanana Gusmão, Sábadu (8/02/2020) iha studio 2 GMNTV, Bebora Díli.

Líder máximu partidu CNRT, Xanana Gusmão mos subliña katak, Aliansa Mudansa ba Progresu (AMP) ne’ebé forma husi CNRT, PLP no KHUNTO la eziste tiha ona, no CNRT esklui-an tiha ona atu ba forma Governu foun ho se-se deit, ne’ebé oras ne’e dadauk PR Lú Olo halo hela konsulta ho entidade sira iha nasaun ida ne’e atu bele iha ideia ida diak ba forma Governu da-sia.

“CNRT esklui-an tiha ona. CNRT nia atu ho FRETILIN, nia ho partidu seluk, nia ho inkluzaun mos, nia ema sei la toma pose. Tanba Prezidente Repúblika menjaga (kredibilidade) nasional, tanba ema CNRT nian mesak koruptu. Tanba ne’e labele tama. Eleisaun antesipada mak dalan los, justa no demokrátika,”dehan eis PM Xanana.

Nia dehan, VIII Governu ne’e mos laiha kapasidade atu ukun, tanba ekonomia la la’o. “VIII Governu laiha kapasidade atu ukun, tanba ekonomia tún, setór privadu barak taka”,dehan Xanana tan.

Eis Prezidente Repúblika Xanana Gusmão mos hatete ona katak, nia lakohi halo diálogu ho PR Lú Olo no líder partidu sira seluk, tanba laiha kompetensia.

“Ita boot haree ha’u nia oin ne’e, iha kompetensia saida? Ha’u nia kbiit nusa be ha’u mak ba halo diálogu. Ha’u laiha kompetensia atu halo fali diálogu. Líder balu dehan, Taur sai vítima partidu CNRT nian, haiii,”dehan Xanana.

Tuir eis PR Xanana Gusmão, katak, tuir los Primeiru Ministru, Taur Matan Ruak, tenke rezina-an ona. Tanba Taur hatete ona katak, nia fatin dispozisaun ba PR Lú Olo, no hakoi tiha ona AMP.

Ikus liu Xanana fo mensajen ba povu Timor-Leste tomak atu haree situasaun ne’e ho maturidade husu ba ema ida-idak atu kalma, lalika soran malu, husik ba instituisaun Estadu rezolve.

Marí Alkatiri: FRETILIN lakohi EA ba dala rua

Antes ne’e iha loron Sesta (24/01/2020), iha Palásiu Prezidensial, Sekretáriu Jeral Partidu FRETILIN, Marí Alkatiri, hateten partidu FRETILIN lakohi ona Eleisaun Antesipada ba dala rua iha mandatu Prezidente Repúblika ida ninian.

Iha mandatu PR Lú Olo nian dekreta ona eleisaun antesipada ba nasaun Timor-Leste iha tinan 2017, nune’e rezulta Aliansa Mudansa ba Progresu ne’ebé forma husi CNRT, PLP no KHUNTO forma VIII Governu, ne’ebé lidera husi Primeiru Ministru, Taur Matan Ruak, ne’ebé oras ne’e dadauk mos la hatene nia distinu ne’e la’o oin nusa.GMN


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker