GMN TV Politika Hakotu impase polítiku, PD halo aproximasaun ho FRETILIN

Hakotu impase polítiku, PD halo aproximasaun ho FRETILIN

Atu hakotu impase polítiku ne’ebé nasaun enfrenta kuaze tinan tolu ona, iha Tersa (18/2) ne’e, Partido Democrático (PD) halo enkontru ho partidu Frente Revolucionario do Timor-Leste Independente (FRETILIN), hodi hamosu intendimentu ida ba situasaun ne’ebé nasaun enfrenta.

“Ami loke komunikasaun polítiku, ami hateten PD haruka karta ofisiál ba FRETILIN ho CNRT, hodi tenta loke to’ok komunikasaun polítika, ita bele iha intendimentu, situasaun ida ne’e imi hotu hatene, ita labele kontinua sai hanesan ne’e, tanba povu maka sai vitíma ba situasaun ne’e”, Sekretáriu   Jerál PD, António da Conceicão “Kalohan” ba jornalsita sira iha CCF, Comoro-Díli, Tersa (18-02-2020).

Nia subliña, PD nia dever buka ko’alia ho partidu sira ne’e la signifika PD buka atu forma koligasaun, maibé buka solusaun oinsá bele hakotu ona impase polítiku ne’ebé nasaun enfrenta hela.

“Ami hanesan mai espresa dau-dauk ho Sekretáriu Jerál FRETILIN, saída mak ami ko’alia ba PR, Francisco Guterres “Lú Olo. Ho situasuan ne’e,  PD nia pozisaun respeita Xefe Estadu nia inísia saída mak espresa ba Xefe Estadu la’ós asuntu ne’ebé maka Xefe Estadu atu komunika ba partidu sira seluk, ami iha dever atu hato’o saída mak hanoin ko’alia ho Xefe Estadu. Ami laiha ona intendimentu tenke ba Eleisaun antesipada, hanesan partidu preparadu, la’ós dehan kestaun kapasidade ami laiha, ami eziste ona tinan 19, portantu la’ós mós partidu ida foin hahú, ami preparadu, maibé ami preokupa ho situasaun ida ne’e la’ós eleisaun maka sai pontu finál atu fó rohan ba situasaun politíka atuál”, afirma Kalohan.

Husi sorin seluk, Sekretáriu Jerál FRETILIN, Mari Alkatiri, hateten,  FRETILIN la presiza koligasaun, FRETILIN nia aliadu mak povu, maibé FRETILIN iha sentidu responsabilidade tenke buka hamutuk ho sira seluk, hodi sai husi impase ida ne’e.

“Sé Governu mosu ona, sira hatene sira viabiliza-an ona, la presiza FRETILIN atu viabiliza hakarak Governu mais forte FRETILIN ense bolaun sira seluk semo ga? Atu ko’alia  povu nia di’ak, tanba ne’e, mak ha’u dehan asina de’it la tau númeru, ne’e laiha, sé FRETILIN asina ona tenke tau númeru, sé la’e USD1 sai USD20 ka USD2000”, haktuir Sekretáriu Jerál FRETILIN ne’e. ety


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker