GMN TV Politika Hakotu impase polítiku, PN rekoñese PR iha ona preferensia hodi solusiona

Hakotu impase polítiku, PN rekoñese PR iha ona preferensia hodi solusiona

0 views

Reprezentante povu sira iha uma fukun Parlamentu Nasionál (PN) rekoñese, Prezidente Repúblika (PR), Francisco Guterres “Lú Olo” sei solusiona impase no inserteza polítiku ne’ebé dau-daun ne’e Timor-Leste enfrenta.

“Ita boot sira hatene agora Xefe Estadu halo medida komunikasaun ho kamada politíka no sosiedade Timor ni’an, ita hein Xefe Estadu iha ona preferensia hodi fó soluasaun ba impase politíku ida ne’e”, deputadu bankada CNRT, Adérito Hugo da Costa ba jornalsita sira iha PN, Kinta semana ne’e.

Iha fatin hanesan, Xefe bankada PD, António da Conçeição “Kalohan” informa, movimentu polítiku PN iha, maibé asaun atu hetan rezultadu ne’e mak sei hasoru dezafiu boot.

“Tuir konstituisaun RDTL ne’e, loron 60, sura husi Orsamentu Jerál Estadu (OJE) xumba iha PN no ohin loron 13, fulan Febereiru ona, hela semana rua tenke ser iha ona solusaun. Sé laiha pasiénsia ita hein PR deside, tanba partidu sira laiha kapasidade atu ko’alia ba malu. Maske koligasaun bele mosu, karik atu forma governu foun bele, maibé la’ós kestaun iha de’it   governasaun ida monu no ida sa’e. Ita hakarak tenke iha estabilidade governativa ida, ita hakarak realizasaun ba objetivu Estadu ni’an ne’ebé hatuur iha konstituisaun RDTL, ne’e signifika etendimentu, la’ós ukun ida, atu troka fali ida seluk, ne’e hanesan samea troka kulit de’it”, hateten Xefe bankada PD ne’e.

Kalohan espera mós katak, bainhira atu ultrapasa impase politíku ne’e, ninia dalan mak partidu CNRT no FRETILIN iha meiu ida forma governu, bele inklui ho partidu ki’ik.

“Partidu ki’ik sira sé bele konsidera hanesan tempu tranzitóriu ba governasaun tinan tolu atu remata ne’e, bele envolve mós partidu sira seluk nini’an, inklui PD, nune’e viabiliza governasaun, hodi hatudu imajen ida politikamente ba públiku no mós ba komunidade internasionál kona-bá Timor nia kontestu reál polítika.

Entretantu hafoin halo diálogu ho líder istóriku sira iha Segunda, loron 10, fulan ne’e, Prezidente Repúblika (PR), Francisco Guterres “Lú Olo” deklara katak, iha opsaun tolu atu hakotu inserteza polítika ne’e, hanesan husu partidu sira ne’ebé hetan asentu iha Parlamentu Nasionál (PN) ba kinta lejislatura, atu dezeña hanoin oinsá fó solusaun ba impase polítiku ne’e, Primeiru Ministru (PM), Taur Matan Ruak sei mantein nafatin to’o hetan governu foun no ida seluk EA mak nu’udár rekursu ikus hodi solusiona situasaun ne’e. ety


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker