GMN TV Politika Hakotu impase polítiku, Ramos Horta hasoru ona Xanana, Lú Olo no Taur

Hakotu impase polítiku, Ramos Horta hasoru ona Xanana, Lú Olo no Taur

0 views

Eis Prezidenti Repúblika, José Ramos Horta, hatete, nia halo ona esforsu hodi hasoru malu ho líder nasionál Kay Rala Xanana Gusmão, Prezidente Repúblika (PR), Francisco Guterres Lú Olo, no Primeiru Ministru (PM),  Taur Matan Ruak, hodi koalia no buka solusaun  atu hakotu impase polítiku ne’ebé povu no nasaun Timor-Leste infrenta.

“Ba Prezidente Repúblika nia  laran luak, simu ha’u dala ida tan, foin dadaun hasoru malu ho maun bo’ot Xanana, maun bo’ot mai rasik ha’u nia uma ami ko’alia, ha’u ko’alia mós horseik ho Primeiru Ministru, Taur Matan Ruak, ko’alia mós partidu kuaze hotu-hotu, iha tempu badak espera sei hasoru  maun bo’ot Marí Alkatiri, esforsu mak kontinua nafatin hanesan ita bo’ot sira hatene, Prezidente entrega ba partidu polítiku sira atu hetan solusaun ba situasuan polítika atual”, dehan Laureadu Nobel da Paz  ne’e ba Jornalista sira, Sesta (14/02/2020), iha Palásiu Prezidensial Nicolau Lobato Bairo Píté, Díli.

Ramos akresenta, Partidu Polítiku sira mak tenke lori  ba Prezidenti solusaun  saida mak diak, signifika mekanismu alternativu  saida mak iha atu ba oin atu solusiona impase polítiku, alende  solusaun eleisaun antesipada.

“Mais ami-nia rekomendasaun iha reuniaun dia 10  ne’e, Prezidente mós rona partidu hotu-hotu, eleisaun antesipada la’os ami-nia primeira eskolla, ami la hanoin ne’e mak solusaun diak liu, diak liu mak partidu sira hatudu sira-nia matenek no  hetan solusaun, pessoal kontinua ha’u rasik nia esforsu ko’alia ho kolega sira, líder sira fera ulun ho omilidade no matenek para hetan solusaun ké diak ba interese nasionál”, hatutan Ramos.

Xanana mós fiar katak,  Xanana Gusmão halo hela konsulta, ho partidu sira seluk hodi buka solusaun,  tanba Xanana nia preokupasaun estabilidade futuru rai ida ne’e nian,  kontinua prosesu negosiasaun ne’ebé ké todan tebes Fronteira Terestre no Fronteira Marítima.

 “Ha’u mós hasoru  Primeiru  Ministru  hatete,  ha’u nia  preokupasaun fó  ideias ruma ba Primeiru Ministru, PLP  nia pozisaun saida?, hanesan ita rona iha média PLP koligasaun ho AMP remata tiha ona , mas primeiru ministru hatudu  nia sentidu Estadu, kontinua garante funsionamentu Governu para labele laiha paralizasaun buat hotu-hotu, ne’e ami ko’alia, seidauk iha konkluzaun ruma para bele fahe ho ita bo’ot sira”, saleinta Horta.

Nia salienta, opsaun mak AMP kontinua organiza ho restrutura  reorganiza, parese ké Primeru Ministru Taur Matan Ruak la interesadu, solusaun seluk FRETILIN bele líder koligasaun foun aprezenta  ba Prezidenti, CNRT bele lídera koligasaun ida, intrega ba Prezidente, garante maioria absoluta iha parlamentu para buat hotu bele la’o ba oin.

“Hanesan Prezidente Repúblika hakarak no ami hotu  hakarak, tenke paktu ka akordu nasionál ida, ké ita hotu simu  garante ké governu foun ne’e pelumenus servisu diak to’o  tinan 2023”, hakotu Horta.oly


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker