GMN TV Politika Horta: Aprezenta membru Governu foun tenke kompetente

Horta: Aprezenta membru Governu foun tenke kompetente

Eis Prezidente Repúblika, José Ramos Horta husu, koligasaun foun ne’ebé lidera husi partidu CNRT ne’e, atu tau ema ne’ebé iha esperensia no kompetente, mak foin aprezenta lista membru Governu ba dala IX ba Prezidente Repúblika.

“Prezidente nia opiniaun ha’u fiar mós kuandu primeiru ministru indijitadu Xanana Gusmão, estuda formasaun governu, nia husu ba partidu sira koligasaun para aprezenta naran ema ne’ebé kompetente iha estudus iha esperensia, la’os dudu impoem halo presaun ba maun bo’ot xanana tau ida ne’e tau iha ne’eba tanba polítiku de’it, ne’e la’os de’it prezidente nia preokupasaun, maun boot Xanana nia preokupasaun rasik governu ida ho kulidade, depois ita haree tanba seidauk haree lista governu, maun Xanana prepara dadauk hela, Prezidente hateten sukat didiak hanoin didiak, maun Xanana sukat didiak hanoin didiak, tanba nia mós hatene governu ne’e tenki iha méritu iha kualidade iha profisionalismu”, Eis, PR Ramos Horta, hato’o lia hirak ne’e ba Jornalista sira, iha salaun MSSI Caicoli, Tersa (25/02/2020).

Horta akresentan tan katak, ba koligasaun foun atu tetu didi’ak membru Governu, foun antes aprezenta lista ba Prezidente Repúblika (PR).

Eis Prezidente Repúblika hato’o kestaun ne’e, relasiona ho Prezidente Repúblika Francisco Guteres Lú-Olo nia deklarasaun, ne’ebé bolu atensaun ba partidu Congresso Nacional Recontrucão Timorense (CNRT), atu tetu didiak nia kuadru sira, antes aprezenta lista Membru Governu ba Xefe Estadu.

Koligasaun foun ne’ebé lidera husi partidu  CNRT ne’e, asina ona akta koligasaun foun iha loron Sabadu (22/02/2020) semana ne’e. Koligasaun foun ne’e, kompostu husi partidu CNRT, KHUNTO, PD, PUDD, UDT no Frente Mudansa.

Iha opurtunidade ne’e mos,  Eis Prezidente Repúblika, José Manuel Ramos Horta, hateten pronto apoiu ba  governu foun

Ramos Horta hateten, La’os Governu da sia de’it, iha Governu da ualu ne’ebé lidera husi Xefe Governu, Taur Matan Ruak mós, nia sempre fó apoiu.

“Tuir ha’u nia konsiensia, ha’u nia komitmentu buka ajuda governu ida ne’e ita nia governu, atual governu oitavu governu, maun boot taur matan ruak bolu ha’u sempre trata ha’u ho respeitu ho amizade nia ho nia señora Isabel ema ida ke di’ak tebe-tebes, grande heroi, koalia primeiru ministru ami hasoru malu dala barak sempre buka ajuda oitavu governu, iha governu foun ida nonu governu prejiza ha’u nia ajuda hanesan pessoal informal ha’u ajuda tane governu ne’e ba oin tanba falta de’it tinan 2 ho balun, difisil tebe-tebes para atu book an  ne’e duni ha’u iha obrigasaun moral intensaun polítika atu ajuda”, dehan, Ramos Horta.

Eis Prezidente Repúblika ne’e mós, iha esperansa ba maun bo’ot Kay Rala Xanana Gusmão, no prefere atu Xanana  mak lidera  Governu da IX ne’e.Ina


Banner

Foto

Notisia Ikus

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...

Lere: FRETILIN seidauk deklara formál ba vítima ne’ebé uluk sira oho

July 29, 2021
Xefe Estadu Maior Jenerál Falintil Forsa Defeza...

Auzénsia dala-rua ba estensaun EE, PN konsidera VIII Governu laiha ona PM

July 28, 2021
Deputadu sira iha Parlamentu Nasionál (PN) kons...
1 2 3 621

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker