GMN TV Politika KM aprova deliberasaun atribuisaun rezidénsia fixu ba eis titular sira

KM aprova deliberasaun atribuisaun rezidénsia fixu ba eis titular sira

0 views

Konsellu Ministru (KM), Kuarta (05/02/2020), aprova Deliberasaun Atribuisaun Rezidénsia ba eis titular sira nomos altera dekretu lei numéru.15/2008 Regula Pensaun Kombatente Martires Libertasaun Nasional.

Proposta deliberasaun ne’e aprezenta husi Ministru Justisa, Manuel Carceres da Costa, iha Konsellu Ministru ne’ebé prejidi husi Xefi Governu Taur Matan Ruak, hodi aprova proposta deliberasaun, alende ne’e, aprova mos alterasaun dala 6 ba dekretu lei numeru.15/2008 kona-ba  pensaun kombatentes.

“Konsellu Ministru halo deliberasaun proposta  husi Ministru Justisa Manuel Carceres da Costa, kona-ba atribuisaun rezidensia fixa ba eis titulares, ba eis Prezidenti Repúblika no eis Primeiru Ministru Kay Rala Xanana Gusmão, eis Primeiru Ministru Mari Alkatiri, no eis Prezidenti Parlamentu Nasionál Vicenti da Silva Guterres, husi nivel ministerial atribuisaun sira ne’e halo ona,  maibé tuir lei tenki konklui aprovasaun husi konsellu ministru rasik ne’ebé ohin loron konklui ona atribuisaun ne’e ba eis titulares” hateten, Ministru Prezidénsia Konsellu Ministru, Agio Pereira, iha Palaçio Governu, Kuarta (05/02/2020).

Agio Pereira hatutan, Konsellu Ministru mos aprova alterasaun ba dala ne’en dekretu lei numeru.15/2008 loron 4 fulan juñu, hodi regula pensaun kombatentes martires da libertasaun nasional nian, ne’ebé aprezenta Sekretariu Estadu Kombatente Libertasaun Nasionál Gil da Costa Monteiru ‘Oan Soru’.

“Alterasaun ne’e permite ministeriu finansas wa’inhira halo pagamentu ba pensaun retensaun mos osan balun, maibé halo deit ba membrus kombatentis libertasaun nasional sira ne’ebé  konkorda por-eskritu atraves husi konsellu kombatentis libertasaun nasional”, esplika, Agio.Cin


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker