GMN TV Politika Koligasaun foun deside Xanana lidera IX Governu

Koligasaun foun deside Xanana lidera IX Governu

0 views

Xefe bankada CNRT, Daurte Nunes, informa, koligasaun foun deside ona Prezidente Partidu CNRT, Kay Rala Xanana Gusmão mak sei lidera IX Governu, tanba hetan konfiansa husi partidu neen ne’ebé halo koligasaun hodi forma governu foun.

Tanba ne’e, nia parte garante, estrutura governu foun sei garante estabilidade governativa to’o mandatu tinan tolu ne’e remata.

“Ha’u hanoin maun Xanana mak sei ka’er PM, maibé ne’e ha’u hanoin, la’os ha’u hatene, ne’eduni ita hein, karik koligasaun hotu-hotu hakarak nia atu sai PM, sira sei haruka karta ba PR. Ita-nia maun Taur ne’e hanesan veteranu ida, nia halo  funu atu liberta povu ne’e, ne’eduni povu liberta ona ita tenke hanoin dezenvolvimentu ba oin, para hadia povu nia moris, tanba ne’e nia ko’alia ona, ha’u fi’ar sei kumpri nia lia fuan, tanba nia kuandu ko’alia A ne’e A, maibé ko’alia B ne’e B, tanba ema eis militar ne’e ko’alia hanesan ne’eduni. Realidade mak ne’e, nia ko’alia ona, maibé la presiza mosaun sensura, ita Timor tenke fiar malu mak di’ak”, deklara Duarte Nunes ba jornalista iha PN, Tersa (25/02/2020).

Deputadu CNRT ne’e aumenta, prosesu ba formasaun ka kolokasaun kandidatu membru governu foun sei iha faze preparasaun, bainhira Xefe Estadu dekreta ona Primeiru Ministru (PM) foun mak foin bele aprezenta.

“Ita seidauk to’o lista, faze agora koligasaun tenke hato’o karta hodi indizita PM, ne’e prosesu ida. Hato’o karta ba mak PR dekreta karik, ne’e mak PM foin buka nia membru sira atu aprezenta hodi halo tomada de pose, ne’eduni ita seidauk to’o iha ne’ebá, maske PR bele ko’alia, prosesu la’o hela, tanba PR mak husu atu partidu sira ne’ebé iha asetu iha PN, halo movimentasaun, buka malu, tanba ne’e agora ita hein de’it. Koligasaun ne’ebé foin mosu ne’e sei aprezenta, karta ba PR. Ha’u hanoin maun Xanana mak sei ka’er PM, maibé ne’e hau hanoin, lista ne’e depois PR halo ona dekretu ba PM foun mak foin ko’alia ho partidu ne’ebé iha koligasaun, sira mak tau ema ba iha governasaun foun. Prosesu la’o hela, maun Xanana mak iha oin ne’e, ha’u fi’ar la’o hela, sei hato’o karta, depois indizita PM , depois PR dekreta PM, hafoin nia bele forma governu”, tenik Nunes.

Koligasaun foun entre partidu neen ne’e, ofisializa ona iha loron 22 fulan ne’e, liu husi asina akta koligasaun nian. Entretantu, atual Primeiru Ministru Taur Matan Ruak mós, aprezenta ona karta demisaun ba Prezidente Repúblika, Francisco Guterres Lú Olo, hodi fó biban ba koligasaun foun atu forma governu da-sia.

Maske nune’e, sei hein Xefe Estadu nia aseitasaun hodi dekreta demiasaun refere, hafoin bele forma governu foun.say

  


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker