GMN TV Politika PD-PLP diskute solusaun ba forma Governu foun

PD-PLP diskute solusaun ba forma Governu foun

0 views

Estrutura Partidu Libertasaun Popular (PLP), Kuarta (19/02/2020), hasoru malu ona ho estrutura Partidu Demokrátiku (PD), iha Sede PD, Kolmera Díli, hodi diskute kona-bá konjuntura polítika ba formasaun governu da-sia nian.

Hafoin sorumutu, Vise Prezidente Konsellu Polítika Nasionál (CPN_sigla portugés), Francisco de Vasconcelhos, informa, sorumutu ne’e nu’udar faze inísiu hodi komunika ba malu, oinsa atu hakat ba faze tuir mai ba formasaun governu da-sia nian, nune’e, solusiona impase polítiku ne’e, hodi konsentra ba polítika dezenvolvimentu nasionál no bem estar povu nian.

“Tanba Mandatu ida PR haruka ita tenke buka, tanba ita situasaun atual ne’ebé ita nia país enfrenta, atu partidu sira labele tuur tula ain tane hasan de’it, maibé preokupasoens ida ne’e, ba partidu sira ne’ebé iha asentu iha Parlamentár, ohin ami mai iha PD, hanesan mós ami iha FRETILIN, hodi buka solusaun ba ita-nia problema loloos mak saida, tenke iha intendimentu ida, ita labele lakon tempu barak liu ba iha asuntu sira ne’ebé mak la pertinente, di’ak liu lakon tempu barak liu ba dezenvolvimentu. Ohin ami mai ne’e inísiu enkontru ida, hodi kria komunikasoens inísiu, depois mak sei ko’alia passu tuir mai, oinsa mak bele kria konfiansa ida, hodi forma konfigurasaun foun ida, para fó garantia ba ita-nia sidadaun sira, liu-liu governasaun da-sia nian. Konfiansa ne’e katak, ita tenke iha koligasaun foun ida”, informa Vasconcelhos.

Ho nune’e, Sekretáriu Jerál Partidu Demokrátiku, António da Conceição, reforsa, iha diálogu ho PLP ne’e, PD mantein formatu Governu Grande Inkluizaun, maske difisíl, tanba situasaun polítika atual ezije tebes maturidade polítika no responsabilidade partidu polítiku hotu nian.

“Ami afirma bebeik ona katak, ami hakarak loke komunikasaun ho partidu polítiku hotu, ami hasoru malu ona ho FRETILIN, CNRT, PLP no KHUNTO, ami mós sei nafatin atu promove diálogu ida ne’e ho partidu ki’ik sira seluk, ho intensaun ida. Ba ami PD nafatin atu ko’alia kona-bá saida mak ami aprezenta ona ba PR, nu’udar pozisaun ida. tanba agora dadauk ne’e  situasaun ida rekere responsabilidade partidu polítiku sira nian, atu fó fila fali mudansa ba hanoin, nune’e povu bele haree katak, nasaun ne’e sei moris, la’os mate, tanba ParPol sira ne’ebé konstesta ba ukun sei hamutuk hela. Ohin mós ami partilla hamutuk ho belun sira PLP, atu haree took formatu ida hanesan ne’e, tanba ami la’os dehan katak, ami tenke obriga, maibé nasaun ne’e husu ita hotu atu hanoin hamutuk, hodi fó resposta ida ba andamentu polítika nasaun ne’e nian, tanba nasaun ne’e nia situasaun ne’e rekere ba partidu polítiku sira hotu nia responsabilidade, hodi bele fó resposta ida, resposta ne’e nem sempre ema hotu-hotu gosta, maibe PD nia perspetiva mak ida ne’e, katak nasaun mak bolu, atu ema hotu-hotu hatan”, relata sekjer PD ne’e.

Atual Xefe bankada PD ne’e deklara, iha diálogu ne’e tenke iha solusaun alternativa, maske iha sedensias.

“Diálogu ne’e tenke iha solusaun, sekuandu iha solusaun ne’e, la signifika iha manan ho lakon, iha mak ida sedensias, ne’e katak, o husik buat ruma, ha’u mós husik buat ruma”, realsa António.

Antes ne’e, PD mós hasoru malu ona ho partidu FREITILIN,  CNRT no KHUNTO, hodi diskute asuntu ne’ebé hanesan, no oinsa buka solusaun ba impase polítiku, liu husi formasaun governu foun.say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker