GMN TV Politika PLP lakohi forma Governu foun ho CNRT, Duarte Nunes: Desizaun hela ho partidu ida-idak

PLP lakohi forma Governu foun ho CNRT, Duarte Nunes: Desizaun hela ho partidu ida-idak

Xefe bankada CNRT, Duarte Nunes deklara, partidu ne’ebé lakohi la’o hamutuk tan ho CNRT ba formasaun governu foun, ne’e direitu partidu ida-idak nian, tanba polítika ne’e  dinamika, la’os halo hanesan maun alin, maibé desizaun ba polítika atual, hela ho partidu ida-idak.

“Ne’e ema nia direitu ne’e, polítika ne’e ohin ita amigu, aban ita haree malu matan sorin de’it, tanba polítika ne’e, la’os tanba ita halo maun alin ne’e buat seluk, ne’e polítika, maibé desizaun mós hela ba sira ida-idak, hakarak hamutuk ita bele ko’alia, lakohi prontu ita la’o hanesan ne’e, ita la ko’alia, ne’e situasaun, depois mak ita haree”, deklara Nunes iha PN, Kinta (20/02/2020), hodi responde ba deklarasaun husi PLP ne’ebé lakohi la’o tan ho CNRT ba formasaun governu foun.

Deputadu CNRT ne’e afirma, kona-bá pozisaun no desizaun ne’ebé CNRT hasai liu husi votus ba Orsamentu Jerál Estadu ba tinan 2020, ne’e nu’udar asaun atu ema hotu halo reflesaun ba situasaun atual ho istória ne’ebé naruk.

“ Kona-bá viola ne’e istória naruk, se ha’u konta lahotu, ne’eduni lalika konta istória, tanba akontese ona, ida-idak hanoin, kuandu iha asaun ruma, ha’u mós tau liman ba hirus matan, hodi hanoin ha’u halo saída, saída mak halo ne’e di’ak ka la’e, sira mós bele halo reflesaun, tanba sa mak buat ne’e akontese, karik ida ne’e tu’ur-tu’ur de’it mosu, ne’e reflesaun ba ita hotu, ita haree ida ne’e, sai hanesan lisaun ida, para ita hotu haree ba futuru, jerasaun foun, haree ba ida ne’e, aprende, atu iha komunikasaun di’ak liu ko’alia ba malu atu buat hotu la’o di’ak iha futuru”,subliña polítiku ne’e.

Antes ne’e, Vise Prezidente Konsellu Polítika Nasionál PLP, Francisco de Vasconcelhos, deklara lakohi halo movimentu ka komunika ba partidu CNRT, ne’ebé nu’udar mós aliadu Aliansa mudansa ba progresu, tanba konsidera,  CNRT viola kompromisu balun iha AMP, hodi vota kontra ka abstensaun ba nia orsamentu rasik .

Maske nune’e,  kona-bá situasaun polítika atual, estrutura partidu CNRT rasik, hasoru malu ona ho estrutura partidu demokrátiku, inklui KHUNTO.say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker