GMN TV Politika PLP prontu hasoru kualker konfigurasaun ne’ebé mosu

PLP prontu hasoru kualker konfigurasaun ne’ebé mosu

0 views

Vise Prezidente Conselho Político Nasionál (CPN), Partido Libertação Popular (PLP), Francisco de Vasconcelhos, hateten, PLP prontu hasoru kualker hasoru konfigurasaun ne’ebé mosu, hodi solusiona impase polítiku ne’ebé nasaun enfrenta hela.

“Kuandu líder sira enkontru saída maka mensajen Prezidente Repúblika (PR) husu Partidu Polítiku (ParPol) sira halo movimentu hodi buka soluasaun ba ita-nia problema, solusaun ne’ebé di’ak dezenvolvimentu tenke la’o, labele para ida ne’e kontribuisaun partidu sira ni’an ba prosesu ida ne’e, tanba ne’e nu’udár ParPol prontu ba kualker konfigurasaun ne’ebé mosu, tanba dever ParPol ni’an katak, buka kria komunikasaun hanesan mós partidu sira seluk, halo PLP hasoru partidu FRETILIN, hodi halo komunikasaun, hodi buka solusaun. Rezolve problema hodi fó sulusaun ba ita-nia problema nasionál hanesan mós PR husu ba entidade tomak la’ós ParPol de’it, maibé hotu-hotu tenke fó ninia kontribuisaun”, Vise Prezidente CPN-PLP ne’e ba jornalista sira hafoin hasoru malu ho líder partidu FRETILIN, iha Comite Central FRETILIN (CCF), Comoro-Díli, Tersa (18-02-2020).

Francisco akresenta, nu’udár ParPol PLP komunika ho partidu sira seluk, hodi buka solusaun ba impase polítiku ne’ebé nasaun enfrenta hela.

“PLP prontu hasoru kualker partidu sira ne’ebé mak hetan asentu iha Parlamentu Nasionál (PN), hodi diskute ho dezisaun Xefe Estadu última rekursu labele ko’alia ohin, maibé tenke buka lai solusaun, la’ós ita ignora tiha ita-nia kapasidade, maibé ita ba de’it iha última rekursu”, tenik hateten Vise Prezidente CPN-PLP ne’e.

Husi parte seluk, Adjuntu Sekretáriu Jerál FRETILIN, José Reis, hateten, enkontru ne’e atu kria konfiansa de’it entre ParPol sira, tanba PR rasik husu ba ParPol sira tenke halo komunikasaun, hodi buka solusaun ba impase ne’ebé akontese.

“FRETILIN nia pozisaun lakohi blokeiu ou trava solusaun ba impase, tanba ne’e hanesan ami sempre hateten, FRETILIN iha estratéjia servisu ba tinan 2023, maibé iha loron 17, fulan Janeiru ne’e, problema mosu husi uma-laran governu ne’e monu, tanba ne’e FRETILIN haree problema boot asume responsabilidade, FRETILIN iha, FRETILIN lakohi sakrifika populasaun 1.2 nia vida, la’o hela tanba de’it interese partidu ni’an, FRETILIN kontribui ba solusaun ida ne’e, tanba ne’e, komunikasaun entre ParPol sira ohin dader imi haree PD husu FRETILIN no tenta atu fó  hanoin ba sira oinsa atu ultrapasa situasaun ida ne’e”, sublinã José. ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker