Treseiru Vise Prezidente Partidu Libertasaun Popular (PLP), Maria Angelina Sarmento, informa, dau-daun ne’e líder PLP ladauk iha desizaun, hodi autoriza sira-nia membru ou militante envolve iha governasaun foun (IX Governu).
“Ami nia partidu seidauk deside individu ruma ne’ebé iha kualidade no méritu ba tabit-an ba sira-nia Governu, ami presiza deside ema ne’e ba hanesan pesoál ou ba hanesan partidu”, Terseiru Vise Prezidente PLP ne’e ba jornalista sira iha ninia rezidénsia Taibessi-Díli, Tersa, semana ne’e.
Maria akresenta, sé balun ba apoiu iha governasaun foun, tenke hetan autorizasaun husi partidu ou presiza iha karta eskritu ruma husi pesoál ne’ebé mak deside atu envolve iha IX Governu.
“Ha’u hanoin ami seidauk deside, sé akontese insidénsia parlamentar, karik ami sei haree ba ho individuál ou ba hanesan em nome do partido”, subliña Atuál Vise Prezidente Parlamentu Nasionál (PN) ne’e.
Entretantu dau-daun ne’e PLP nia preferénsia mak la’o ho partidu FRETILIN ou partidu ne’ebé mak kontinua atu salva governasaun ida ne’e. ety
