Primeiru Ministru (PM), Taur Matan Ruak, deklara, diak liu Eleisaun Antesipada (EA) la iha, tanba povu barak mak baruk ona atu ba vota bebeik.
“Ha’u hasoru sira para hatene los STAE sira nia preparativu, tanba ita hotu hatene iha loron 10 fulan Fevereiru ne’e, kuandu Prezidente Repúblika, Francisco Guterres Lú Olo koalia ho imi jornalista sira, hatete katak eleisaun antesipada ne’e hanesna últimu rekursu, katak la taka dalan, entaun hanesan Primeiru Ministru tenke hatene kondisoens iha karik buat ne’e akontese, sé la akontese karik diak liu, porque ema hotu hotu baruk ona ba eleisaun, não é?” afirma Xefe Governu Taur Matan Ruak ba Jornalista sira Sesta (28/02/2020) iha Palasiu Prezidensial, Bairo Píte Díli.
Nune’e mos iha loron Tersa semana ne’e, Estrutura Sekretariadu Tékniku Administrasaun Eleitorál (STAE), simu ona orientasaun husi Primeiru Ministru, Taur Matan Ruak hodi halo preparasaun, karik eleisaun antesipada akontese.
Nune’e, Diretor Jeral STAE, Edgar Siqueira mos deklara ona katak, STAE sei la prevé orsamentu ba eleisaun antesipada nian, maibe bainhira iha desizaun ba eleisaun antesipada, STAE sei aprezenta proposta orsamentu.Oly
