GMN TV Economia PN husu MTK regula presu billete aviaun

PN husu MTK regula presu billete aviaun

0 views

Deputada CNRT, Veneranda Lemos, husu Ministériu Transporte no Komunikasaun (MTK), atu regula no kontrola presu billete aviaun nian, ne’ebé tun-sa’e tuir kompañia nia hakarak.

Reprezentante povu ne’e mós preokupa, tanba kompañia sira ladun fó atendimentu di’ak ba passajeiru sira, maske fó presu billeti karun ba passajeiru sira, tanba ne’e, presiza regulariza hotu atividade sira ne’e.

“Tenke halo regularizasaun ba presu aviaun ninian, Citilink ho Sriwijaya air, uluk ita bele sai ho presu USD 95, to’o USD 100 resin de’it hodi ba, maibé agora Citilink nia presu USD 300 resin ba de’it, no Sriwijaya USD 200 resin ba de’it. Hafoin ba fali billete aviaun ba kupang, iha fulan hirak liu ba, iha vou dala rua de’it, kada semana, maibé agora sira halo voo dala tolu kada semana, presu bainhira sira hahu ho USD 50, depois sa’e ba USD 75, agora ho voo dala tolu semana ida, presu sa’e ba USD 120 ba de’it. Tanba ne’e husu ba ministériu relevante, atu bele regulariza voo sira hanesan ne’e, tanba sela’e prejudika ita”,kestiona Deputada Veneranda iha plenária, Segunda (10/02/2020).

Nune’e eis Sekretária Estadu Igualdade Jéneru ne’e mos lamenta maka’as ho kompañia aviaun sira ne’e la fornese ai-han ne’ebé di’ak ba pasajeiru durante viajen.

“Ita laiha posibilidade, entaun kompañia sira halo hasa’e no hatun presu tuir nia hakarak, hafoin iha aviaun laran mós sira fornese hahán ruma, hahán sira ne’e mós ema laiha vontade atu han ida, se ita selu ho presu bo’ot, ita ba han fila fali paun maran ho bee de’it, hanoin ne’e la justu”, haktuir Lemos.

Hatán ba asuntu ne’e, reprezentante VIII Governu Konstitusionál, Sekretáriu Estadu Komunikasaun Sosial, Mericio Juvinal dos Reis Akara, afirma, nia parte sei hatutan preokupasaun refere ba ministériu relevante, hodi buka solusaun.say

 

 


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker