Prezidente Repúblika Francisco Guterres Lú Olo, hatete, nia fó apoia tomak ba Partidu Polítiku (ParPol) sira ne’ebé iha inisiativa diak buka malu hodi forma Governu foun, tanba importante liu mak tenke ultra pasa situasaun polítika atuál, no lori governu foun la’o diak ba oin.
“Ha’u hanoin sira buka malu ba, depois mak bele fó hatene ba Prezidente, governu ida ne’ebé mak senti ba diak para atu bele lori duni ita-nia rai ne’e ba oin, Prezidente Repúblika sempre fó apoiu nafatin, para ita bele ultrapasa krize ida ne’e, hodi bele hadia fali ita-nia governu, ho governasaun ida ne’ebé sustentavel durante tinan rua nia laran ho tolu, hodi iha fali orsamentu, programa para bele hala’o fali dezenvolvimentu”, dehan Lú Olo, Sesta (21/02/2020) iha Palásiu Nobre Lahane.
Xefi Estadu ne’e fó tempu ba partidu polítiku no líder sira hotu inklui entidades hotu atu tu’ur hamutuk hodi ko’alia.
Enkuantu iha loron 22 fulan ne’e , Partidu CNRT, KHUNTO, PD, PUDD, Frenti Mudança/UDT asina ona akta koligasaun hodi forma Governu foun ka governasaun da-sia.oly
