GMN TV Politika PR Lú Olo: Karta Xanana nian ha’u mak hatene ■Povu labele fiar boatus EA

PR Lú Olo: Karta Xanana nian ha’u mak hatene ■Povu labele fiar boatus EA

0 views

Prezidente Repúblika (PR), Francisco Guterres Lú Olo, hatete, konteúdu husi karta Prezidente partidu CNRT, Kay Rala Xanana Gusmão nian, nia mak bele hatene, no públiku la presiza hatene.

Xefe Estadu ne’e mos husu povu Timor-Leste tomak atu labele fiar boatus sira ne’ebé espalla iha públiku katak, partidu CNRT hakarak Eleisaun Antesipada (EA).

“Ha’u bele hatete momos katak, ha’u simu duni karta, husi señor Kay Rala Xanana Gusmão, ne’ebé haruka tuir husi nia Sekretáriu Jeral haruka ba ha’u, maibé ha’u hakarak atu hatete ba ita bo’ot sira katak, karta ne’e nia konteúdu ha’u mak hatene no ha’u labele fo sai ba ita bo’ot sira atu hatene”, dehan Xefi Estadu Lú Olo ba Jornalista  sira Domingo (02/02/2020), iha Kuartel Jeneral F-FDTL fatuhada, Díli, hodi reponde  ba informasaun ne’ebé espalla iha publiku katak, CNRT entrega karta ba Xefe Estadu hodi husu eleisaun antesipada.

Lú Olo salienta, informasaun saida mak espalla iha públiku, bele dehan katak, oras ne’e dadaun sidadaun balun halo intervensaun kona bá situasuan ida ne’e, no siik deit ema nia hanoin, entaun  dala ruma ema balun bele lori ba tebes.

“Maibé ha’u hakarak atu husu ba ita bo’ot sira, no ba povu tomak, atu lalika fiar buatus ka rumores sira hotu, problema ne’e iha ona ha’u nia liman husik ha’u mak rezolve”,tenik Lú Olo.

Antes ne’e, iha loron 23 fulan Janeiru tinan 2020, Prezidente Repúblika hahú ona rona diálogu ho paritidu polítiku sira, no diálogu uluk ho paritdu CNRT, maibé hafoin remata enkontru, Sekretáriu Jeral partidu CNRT Francisco Kalbuadi Lay, la fó deklarasaun ruma katak, CNRT hakarak eleisaun antesipada, maibé hatete deit CNRT nia opiniaun hato’o hotu ona husi karta ba Xefe Estadu.oly


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker