GMN TV Politika PR Lú Olo: Problema iha TL sempre hetan solusaun

PR Lú Olo: Problema iha TL sempre hetan solusaun

0 views

Prezidente Repúblika, Francisco Guterres Lú Olo, hatete, problema sosiu polítiku no ekonómiku iha Timor-Leste sempre hetan nia solusaun.

Xefe Estadu hato’o asuntu ne’e, iha seremonia jantar hamutuk ho embaixadór sira ne’ebé entrega karta kredensial foin lalais ne’e,  no embaixadór hirak ne’ebé rezidensia iha ona Timor-Leste.  Mensajen  ne’ebé Prezidente Repúblika husik hela  ba embaixadór sira mak iha jantar hamutuk ne’e mak, problema sosial ekonomia iha rai-laran, sempre hetan nia solusaun ba moris diak povu nian, no mos nasaun hotu, liu-liu Timor-Leste tenke esforsu  hadia meiu ambiente iha mundu, atu  labele sofre ba inundasaun.

“Tinan-tinan ami sempre reuni ho sira atu husik hela mensajen Timor-Leste nian ba relasaun bilateral no multilateral, ne’ebé mak ho sira-nia nasaun hotu, iha ha’u nia diskursu iha aspeitu tolu mak importante tebes, ida hakarak kongratula sira-nia prezensa iha jantar simples ida ne’e. Aspetu ida seluk mak,  ha’u fó hatene situasaun sosiu polítiku  ekonomiku Timor-Leste nian ba sira, maibé sempre hetan solusaun nafatin, iha problema ida que sei iha solusaun, ne’ebé  dadaun partidu polítiku sira halo hela”, afirma Lú Olo ba Jornalista sira, Sesta (21/02/2020) iha Palásiu Nobre Lahane.

Xefe Estadu ne’e subliña, hanesam Prezidente Repúblika, atu hetan solusaun ba  problema ne’e, ho sentidu atu halo  koreksaun, situasuan krize no buat sira ne’ebé oras ne’e dadaun akontese iha rai laran.

“Ida seluk portantu  ha’u hatete mós ba sira kona-bá planeta ne’ebé ita moris ba importante  tebes iha rai ida, ita-nia rai hanesan mós iha sira seluk, hotu hotu tenke esforsu hamutuk  para oinsa bele hadia meiu ambiente ita-nian, no planeta atu  labele sofre indundasaun, inklui dezastre naturais oi-oin, ida ne’e importante tebes”, fudamenta Lú Olo.

Xefi Estadu ne’e afirma, demokrasia ne’ebé mak iha rai barak, tau hela iha provas katak, atu  demokrasia ne’e lao diak ka  la la’o diak, ne’e nasaun ida-ida nia polítika rasik.

 “La’os deit iha ita-nia rai, maibé iha rai barak mós akontese situasaun hanesan ita-nia, no balun to’o todan liu ita nian ne’e, importante oinsa ita bele  hadia  ita-nia sistema demokrasia nian ho sentidu atu bele lori ita-nia rai  ne’e ba oin”, tenik Lú Olo.oly

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker