GMN TV Politika Ramos Horta: Simples liu fó ba CNRT forma koligasaun foun

Ramos Horta: Simples liu fó ba CNRT forma koligasaun foun

0 views

Eis Prezidente Repúblika, José Ramos Horta, hatete, jogu polítiku ne’ebé la’o iha Parlamentu Nasionál ne’e simples  liu mak fó ba Partidu CNRT forma koligasaun foun ida hodi forma Governu foun.

“Simples liu mak fó ba CNRT oportunidade lori (forma) koligasaun foun ida, no iha posibilidade para hetan 34 (kadeira). Ha’u hatene sira halo dadauk negosiasaun”,dehan diplomata senior Timor-Leste José Ramos Horta ba Jornalista GMN iha Díli, Segunda (17/2/2020).

Kona ba membru Governu na’in sia ne’ebé Prezidente Repúblika, Francisco Guterres Lú Olo rejeita la fó pose maibe CNRT nafatin propoin, Ramos Horta, hatán, elementu ne’ebé kontribui ba provoka krizi ne’e tenke hanoin didiak no PR Lú Olo mos tenke sukat didiak.

“PR tenke sukat didiak fó pose ba membru koligasaun foun ne’e. kuandu ba karakter ou integridade kada elementu nian, ita husik ba Tribunal mak deside. Prezidente Repúblika laiha opiniaun ba ida ne’e. A não ser que, Prezidente iha informasaun. Ho Inglés hatete, incontrovertible, signifika informasaun ne’e 100% sólidu metin los que elementu ida ne’e rua ka tolu problema grave ho sira entaun fahe informasaun ne’e ba Primeiru Ministru. Tanba kuandu sira hahú VIII Governu ne’e prosesu ne’e halo tiha ona, maun boot Xanana mos husu ba sira kada ema, imi iha naran iha Tribunal ka lae? Iha Prokuradoria Jeral Repúblika? Sira hatete, lae! Portantu diak liu husik ba Tribunal halo nia knaar, la’os Prezidente (Repúblika) mak halo”,dehan Ramos Horta.

Ramos Horta fiar katak, maun Xanana Gusmão ho PR Lú Olo sei hasoru malu hodi hakotu problema iha rai-laran ne’e.

Ramos Horta mos hatete, maun Taur Matan Ruak sei hasoru malu ho maun Xanana, tanba maun Xanana ema ida la hirus dór.

Ramos Horta mos hatutan katak, ho situasaun polítika ida agora dadauk ne’e ema nain rua hanesan maun Xanana ho Marí ALkatiri mak bele asume kargu nu’udar Primeiru Ministru. “Ne’e ha’u haree situasaun difisil ba oin ne’e iha ema nain rua, ida mak maun Xanana tanba nia iha forsa, nia iha karizma, ida fali mak Dotor Marí ALkatiri, sira nain rua. Ha’u lae, ha’u baibain ne’e ha’u kaer sira-nia pasta. Ha’u kuandu halo viajen ho maun Xanana ba liur ne’e, nia hakarak fuma, ha’u mak ba buka be sinjeru. DR. Marí mos ami viajen ha’u mak lori nia pasta, ha’u hanesan apoiu sira deit”,dehan Ramos Horta.

Tuir Ramos Horta katak, jerasaun foun sira hatudu ona ka lae atu kaer nasaun ne’e ba oin.

“Dotor Marí hakarak entrega ba jerasaun foun, maun Xanana mos hakarak entrega. Ha’u hatete, jerasaun foun prontu atu kaer projetu tasi mane. Ha’u lahatene se maun Xanana dehan, ohin ha’u entrega ba imi, ha’u la fiar sira simu. Tanba sira tauk, esperiensia seidauk iha, entaun ami presiza presiza servisu hamutuk tan lai”afirma Ramos Horta.GMN

 


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker